Rəqsanəni ağlatdılar - FOTO

Lent.az-ın məlumatına görə, ötən gün axşam saatlarında vizajist Nigar İbrahimova ilə birgə Maştağadakı 3 saylı uşaq evinə yollanan sənətçi daun xəstəliyindən əziyyət çəkən uşaqları sovqatı ilə sevindirib. Sənətçi onlara şam süfrəsi açıb. Fiziki qüsurlu körpələrlə bir süfrə arxasında orucunu açan sənətçi onlara ana qayğısı göstərib. Göz yaşlarını onlardan gizlətməyə çalışsa da, bunu sona qədər bacarmayıb: “Mən də anayam, iki övladım var. Uşaqların hər bir sıxıntısı, narahatlığı məni ikiqat ağrıdır. Uşaqlara özüm qulluq edib, yedirdim, doyuzdurdum. Son da bir kənara çəkilib, ağladım”.

Sənətçi həmin gün xeyriyyə missiyasını təcridxanada yatan məhbuslar üçün də göstərib.

Eyni qəsəbədə yerləşən həbsxanaya baş çəkən sənətçi məhbuslara da eyni qayğı ilə yanaşıb. Müğənni bu qayğısını dənizdən bir damla adlandırıb və hər zaman davamlı olacağını bildirib.

Yeri gəlmişkən, Rəqsanə “Onun yarısı” verilişində izdivac quran iki qüsurlu şəxsin xarici pasport məsələsini həll edib və bu gün pasportları canlı efirdə onlara təqdim edəcək.