Dövlət Komitəsi bir sıra dövlətlərlə danışıqlar aparır

Standartlaşdırma, Metrologiya və Patent üzrə Dövlət Komitəsi bir sıra dövlətlərlə ikitərəfli anlaşma memorandumları və sazişlər bağlamaq istiqamətində danışıqlar aparır.

Dövlət Komitəsinin mətbuat xidmətindən Lent.az-a verilən məlumata görə, bura Azərbaycan Respublikası Hökuməti ilə Türkiyə Respublikası Hökuməti arasında Texniki Tənzimləmə, Standartlaşdırma, Uyğunluğun Qiymətləndirilməsi, Akkreditasiya və Metrologiya sahələrində əməkdaşlıq haqqında Anlaşma Memorandumu, Azərbaycan Respublikası Hökuməti və İsrail Dövləti Hökuməti arasında Standartlaşdırma, Uyğunluğun Qiymətləndirilməsi və Metrologiya sahəsində əməkdaşlıq haqqında, Azərbaycan Respublikası Standartlaşdırma, Metrologiya və Patent üzrə Dövlət Komitəsi və Birləşmiş Ərəb Əmirliklərinin Standartlaşdırma və Metrologiya üzrə Əmirlik Orqanı arasında uyğunluq sertifikatlarının və uyğunluq nişanlarının qarşılıqlı tanınması haqqında və Azərbaycan Respublikası Hökuməti ilə Gürcüstan Hökuməti arasında standartlaşdırma, metrologiya və uyğunluğun qiymətləndirilməsi sahəsində əməkdaşlıq haqqında sazişlər, o cümlədən Türkiyə Respublikasının Elmi və Texnoloji Araşdırma Şurasının (TÜBİTAK) Milli Metrologiya İnstitutu (UME) və Azərbaycan Respublikasının Standartlaşdırma, Metrologiya və Patent üzrə Dövlət Komitəsi yanında Dövlət Metrologiya Xidməti arasında Anlaşma Memorandumu və Azərbaycan Respublikası Hökuməti ilə Litva Respublikası Ətraf Mühit Nazirliyi arasında standartlaşdırma, metrologiya və uyğunluğun qiymətləndirilməsi sahəsində əməkdaşlıq haqqında saziş daxildir.