Almaniyanın QAC-ın regional təşkilatının sədri azərbaycanlı ailələrlə görüşür

Almaniyanın Qızıl Aypara Cəmiyyətinin Jerixover Land regional təşkilatının sədri Jana Linzenburq Maqdeburq şəhərində yaşayan azərbaycanlı ailələrlə görüşlərə başlayıb. Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, Jana Linzenburq ilk görüşdə Linzenburq həmvətənlərimizə orta məktəbi bitirdikdən sonra Almaniyanın ali məktəblərinə daxil olunması yollarını izah edib və onlara ali məktəblərə daxil olduqları günə kimi köməklik göstərəcəyini bildirib.

Xatırladaq ki, həmvətənlərimizin sevincinə səbəb olan bu layihənin reallaşdırılmasına dair razılıq Sakhsen-Anhalt vilayəti üzrə Alman-Azərbaycan mədəniyyət cəmiyyətinin sədri Yaşar Millnitts Niftəliyevin Jana Linzenburqla sentyabrın 13-də baş tutmuş görüşündə əldə olunub. Görüşdə Yaşar Millnitts Niftəliyev Maqdeburq şəhərində yaşayan, orta məktəbi kafi qiymətlərlə bitirmiş azərbaycanlı şagirdlər üçün ali məktəbə hazırlıq kurslarının təşkil olunması təşəbbüsü ilə çıxış edib. Qızıl Aypara Cəmiyyətinin Jerixover Land regional təşkilatının sədri həmin təşəbbüsü dəstəkləyib.