DəmirBank neftçilərə 3 faiz güzəştlə kredit kampaniyası təqdim edir
15 sentyabr 2011 14:36 (UTC +04:00)

DəmirBank neftçilərə 3 faiz güzəştlə kredit kampaniyası təqdim edir

Kampaniya çərçivəsində Bankın bütün kredit məhsulları üzrə (ipoteka, biznes və tərəfdaşlarla kreditlə satış istisna) faiz dərəcəsində 3% güzəşt tətbiq olunur. Bundan əlavə, bu kampaniya çərçivəsində müştərinin həyat və qabiliyyətinin Bankın xeyrinə sığortalanması tələb edilmir.

Neft sektorunda işləyənlər qismində Dövlət Neft Şirkətinin (həmçinin şirkətin balansında / nəzdində olan müxtəlif istehsalat birlikləri, idarələrin, zavodların, elmi institutların və sosial təşkilatların), Sənaye və Energetika Nazirliyinin, Dövlət Neft Fondunun, neft hasilatı və emalı sahəsində fəaliyyət göstərən digər yerli və xarici şirkətlərin əməkdaşları nəzərdə tutulur.

“Azərbaycan iqtisadiyyatının inkişafında neft sektoru mühüm əhəmiyyətə malikdir. 20 sentyabr - Neftçilər Günü münasibəti DəmirBank neft sektorunda işləyənlərə kredit məhsulları üzrə 3% güzəştlə kredit kampaniyası təqdim edir. Fürsətdən istifadə edərək, 20 sentyabr – Neftçilər Günü münasibətilə neft sektorunda işləyənləri təbrik edirik və onlara yeni uğurlar arzulayırıq”, - deyə, İdarə Heyəti sədrinin müavini Yusif Cabbarov bildirib.

DəmirBank mütəmadi olaraq müxtəlif xidmətlər üzrə güzəştli kampaniyalar həyata keçirir. 2011-ci ildə 8 mart – Beynəlxalq Qadınlar Günü münasibətilə avtomobil kreditləri və Müqəddəs Ramazan Bayramı münasibəti ilə Şimşək pul köçürmələri üzrə güzəştli kampaniyalar keçirilib.

Bankın müxtəlif xidmətləri və kampaniyaları barədə ətraflı məlumat əldə etmək üçün www.demirbank.az saytına daxil olmaq və ya Telefon Məlumat Mərkəzi – 149 nömrəsinə zəng etmək olar.
# 585

Oxşar yazılar