Oqtay Şirəliyev Ərzuruma gedəcək

Lent.az-ın Səhiyyə Nazirliyinin rəsmi saytına istinadən yaydığı məlumata görə, R.Akdağ bu təklifi Bakıda keçirilən Ümumdünya Səhiyyə Təşkilatının (ÜST) Avropa Regional Komitəsinin 61-ci sessiyası çərçivəsində Azərbaycanın səhiyyə naziri Oqtay Şirəliyevlə görüş zamanı səsləndirib. Səhiyyə naziri O.Şirəliyev isə təklifi səmimiliklə qəbul edib.

Qeyd edək ki, R.Akdağ nazirlə görüşündə bir çox məsələlərə toxunulub. O.Şirəliyev Türkiyə səhiyyə sektorunda görülən coxşaxəli işlərdən, əldə olunan nailiyyətlərdən, dost ölkəsində səhiyyə təşkilatçılığı baxımından uğurlu layihələrə imza atmalarından bəhs edib. R.Akdağın Azərbaycan səhiyyəsinə xüsusi önəm verdiyini deyən Oqtay Şirəliyev kadr hazırlığı, Türkiyənin tanınmış universitetlərində keçirilən uzmanlıq kurslarından, ölkəmizdə tibb elminin inkişafı baxımından Azərbaycan səhiyyəsinə böyük dəstək olduğuna görə Türkiyənin səhiyyə nazirinə təşəkkürünü bilib.

Görüş əsnasında türkiyəli nazir ölkəsində son illər ərzində əldə etdikləri nailiyyətlərdən danışaraq bu təcrübənin Azərbaycanla paylaşmanın tərəfdaşı olduğunu söyləyib. Bunun üçün azərbaycanlı müdavimlərə istər Bakıda istərsə də Türkiyədə master-klassların keçirilməsini təklif edib. Nazir son illər ərzində Türkiyə səhiyyəsinə Avropa ölkələrinin də diqqətinin artığını, bu ölkələrdən müalicə almaq üçün Türkiyə üz tutan xəstələrinin sayının artması faktını qeyd edib.

Son 5 il ərzində Azərbaycan səhiyyəsində də böyük uğurların əldə olunduğunu bildirən R.Akdağ ölkə başçısının bu sahəyə verdiyi diqqət və qayğını xüsusi vurğulayıb.
Əlavə edək ki, görüşdə bir çox məsələ müzakirə olunub. Türkiyədə özəl sektorun inkişafı, yoluxucu xəstəliklərlə mübarizə planın tətbiqi, xəstəxanalarda qurulmuş iş prinsipi, və Türkiyədə 2016-cı ilə kimi səhiyyə sahəsində nəzərdə tutulmuş planlarla bölüşən Rəcəb Akdağ sıx əməkdaşlıq edən qardaş ölkələrin münasibətlərini bir az da yeniləmək, daha da genişləndirmək təklifini irəli sürüb.