M.Abbaszadə: “Bəzi abituriyentlərin psixoloji problemi var”

M.Abbaszadə deyib ki, əsas sınaq imtahanları zamanı Bakıda abituriyentlər üçün 20 min yer ayrılır. Lakin bu imtahanlarda iştirak etmək istəyən abituriyentlərin sayı daha çox olur və onların bir qismi əsas sınmaq imtahanlarında iştirak edə bilmir. Beləliklə də təkrar sınaq imtahanlarının keçirilməsinə ehtiyac yaranır.

TQDK sədri onu da bildirdi ki, bəzi abituriyentlər təkrar sınaq imtahanlarında iştirak etməzdən əvvəl bir həftə əvvəl keçirilmiş əsas sınaq imtahanının nəticələrinə baxırlar və təkrar imtahanlara gedərək yüksək bal toplayırlar: “Əgər abituriyent belə edirsə deməli onu psixoloji problemləri var. O həm özünü həm də valideynlərini aldadır. Yekunda isə həmin abituriyent qəbul imtahanında bal yığa bilmir və sual yaranır ki, necə olur bu şəxs sınaq imtahanında yüksək bal topladığı halda hər hansı məktəbə qəbul oluna bilmir”.

Ramiz MİKAYILOĞLU