Yaxın 3 gün ərzində havalar istiləşəcək
12 sentyabr 2011 13:28 (UTC +04:00)

Yaxın 3 gün ərzində havalar istiləşəcək

Lent.az-ın Ekologiya və Təbii Sərvətlər Nazirliyinin Hidrometeoroloji proqnozlar bürosunun şöbə rəisi Gülşad Məmmədovaya istinadən verdiyi məlumata görə, sentyabrın 13-də hava dəyişkən buludlu, əsasən yağmursuz keçəcək, şimal küləyi əsəcək. Temperatur göstəricisi 22-27 dərəcə arasında dəyişəcək. Qısamüddətli yağışların yağacağı gözlənilir.

14-15 sentyabrda gün ərzində əsasən yağmursuz hava, şimal-şərq küləyi əsəcək. 14 sentyabrda gecə 15-20 dərəcə, gündüz saatlarında 23-28 dərəcə temperatur gözlənilir. Ayın 15-də isə temperaturun qalxaraq 25-30 dərəcəyə çatacağı proqnozlaşdırılır.

Mərkəzi Aran və dağlarda 13 sentyabr günü şimşək çaxacağı, qısamüddətli yağış yağacağı gözlənilir. Xüsusilə Lənkəranın bəzi yerlərində yağışın intensivləşəcəyi gözlənilir. Gündüz 24-29, gecə 15-20 dərəcə temperatur proqnozlaşdırılır.
14-15 sentyabrda havanın əsasən yağmursuz keçəcəyi, Mərkəzi Aranda gündüz 25-30, gecə 15-20 dərəcə temperatur gözlənilir. Dağlarda isə temperaturun gündüz 17-22, gecə 8-13 dərəcəyə qədər düşəcəyi proqnozlaşdırılır.

Nailə
# 389

Oxşar yazılar