Çaylarımızın suyu kəskin azalıb

Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, respublika çaylarının sululuğunda azalma müşahidə olunub. Hazırda Böyük Qafqazın Şəki-Zaqatala bölgəsi çaylarında sululuq ongünlük normanın 80-100, Quba-Xaçmaz bölgəsi çaylarında 75-95, Lənkəran-Astara bölgəsinin çaylarında 95, Kiçik Qafqazın çaylarında 85-95, Naxçıvan Muxtar Respublikası çaylarında isə normanın 58 faizini təşkil edir.

Kür çayının Qıraqkəsəmən məntəqəsində su sərfi 193 m3/s, ongünlük normanın 126 faizini (2010-cu ildə 180 m3/s olmaqla 118 faizini) təşkil edir.
Qanıx çayının Əyriçay məntəqəsində isə su sərfi 57 m3/san olmaqla, ongünlük normanın 88 faizini (2010-cu ildə 79 m3/s olmaqla 90 faizini) təşkil edir. Hazırda Surra məntəqəsində suyun səviyyəsi 431 sm (2010-cu il iyulun 27-də 659 sm), Şirvanda 312 sm (2010-cu il iyulun 27-də 591 sm ), Salyanda 303 sm (2010-cu il iyulun 27-də 601 sm), Bankədə 246 sm (2010-cu il iyulun 27-də 349 sm), Araz çayının Novruzlu məntəqəsində isə 146 sm (2010-cu il iyulun 27-də 390 sm) təşkil edir.