İki yerdə işləyənlərin pensiya təminatı

Mövcud qanunvericilik sosial sığorta haqlarını ödəyən hər kəsin haqqını tanıyır

“Sosial sığorta, həm də fərdi uçot haqqında ölkə qanunvericiliyi iki və daha artıq yerdə çalışan işçilərin sosial hüquqlarının qorunmasını təmin edir. Mövcud qanunvericilik vətəndaşın eyni vaxtda 2 və daha çox müəssisədə əmək fəaliyyəti ilə məşğul olmasına qadağa qoymur. Belə işçilərin də sosial sığorta hüquqları adi işçilər kimi qorunur və təmin olunur” .

Lent.az-ın məlumatına görə, Dövlət Sosial Müdafiə Fondunun (DSMF) sədr müavini Elman Mehdiyev jurnalistlərlə söhbətində belə deyib. Onun sözlərinə görə, 2 və daha çox iş yeri olan işçilərə yalnız bir sosial sığorta kartı verilir. Ancaq onun hər bir iş yerində ödədiyi sosial sığorta barədə məlumatlar həmin sənəddə əksini tapmalıdır: “Ona görə də 2 və daha çox yerdə işləyən işçi sosial-sığorta ödənişlərinin yerinə yetirilib-yetirilmədiyini dəqiq müəyyən etməlidir. Bunun üçün işçi özünün sosial sığorta kartını çalışdığı müəssisənin mühasibat şöbəsinə təqdim etməlidir”.

Elxan SALAHOV