7 azərbaycanlı qız Türkiyədə zabit diplomu aldı

Türkiyə Quru Qoşunları Hərbi Məktəbini bitirən 20 azərbaycanlı zabitə diplomlar təqdim olunub

Ankarada Türkiyə Quru Qoşunları Hərbi Məktəbinin məzunlarına diplomların təqdim olunması mərasimi keçirilib.

Lent.az-ın məlumatına görə, bu il 160-cı mərasimdə məzun olan gənc leytenantlara diplomları Türkiyə Prezidenti Abdulla Gül, baş nazir Rəcəb Tayyib Ərdoğan, parlamentin sədri Məhmət Əli Şahin və Türkiyə Silahlı Qüvvələri Baş Qərargahının rəisi, ordu generalı İlkər Başbuğ təqdim edib.

Türkdilli ölkələrdən, o cümlədən Azərbaycandan olan 20 məzuna diplomları səfirliklərin hərbi attaşeləri təqdim ediblər. Ölkəmizdən olan gənc zabitlərin 7-si qızdır.

Sonra 726 məzun hərbi marşın sədaları altında fəxri tribunanın önündən keçiblər.

Quru Qoşunlartı Hərbi Məktəbinin rəhbəri, general Kənan Hüsnüoğlu qardaş türk dövlətlərindən məzun olanlara öz ölkələrində vətən qarşısında xidmətlərində müvəffəqiyyətlər arzulayıb.