Ramazan ayında yol verilən 14 yanlışlıq

Gün boyu yatmaq bunlardan biridir...

Ramazan boyunca ən çox yol verilən səhvlərin bəzilərinin "bütün günü yatmaq, saatlarla televizora baxmaq və orucu siqaretlə açmaq” olduğu bildirilib.

Lent.az-ın Türkiyə mətbuatına istinadən verdiyi məlumata görə, Dubay İslam İşləri və Xeyriyyə Fəaliyyətləri Departamentinin internet səhifəsində yayımlanan özəl Ramazan cədvəlində müsəlmanların müqəddəs ay boyunca yol verdikləri 14 yanlış davranış yer alıb.

Qadınlar iftara çoxsaylı yeməklərin hazırlanması üçün xeyli zaman sərf etdiyindən yetərincə ibadət edə bilmirlər. Və nəticədə Ramazan ayında tutduqları orucda səhvə yol vermiş olurlar.

Qadınların tez-tez etdiyi səhvlərin arasında dua və ibadətlərə yetərli qədər vaxt ayırmamaları, ətir və makiyajdan istifadə edərək kişilərin olduğu yerlərə daxil olmaqları var.

Müsəlman ailələr günlərini televizor qarşısında keçirib, populyar Ramazan proqramları və serialları izləyərək orucdan qazandıqları bütün savabı itirirlər.

Siqaret ilə orucun açılmasına qadağa qoyan departament, bunun çox böyük bir səhv olduğunu bildirib.

Bəzi İslam alimlərinin, siqaret çəkməyin sağlamlığa zərərli olduğu səbəbindən tamamilə yolverilməz olduğunu söylədiyi bildirilib.

Siyahıdakı digər səhvlər arasında oruc tutan müsəlmanların qeybət, dedi-qodu, şər və pis söz söyləmə kimi səhvləri də yer alıb.

Ramazan ayının əsasən axır 10 gününün xüsusi dəyərləndirilməli olduğunu xatırladan mütəxəssislər, bu ay boyunca alver etməyi və gərəksiz yerə pul xərcləməyi səhvlərdən biri sayırlar.

Hazırladı: Kimyə