Aşağı seçki komissiyalarının rəsmiləri kurslara cəlb olunacaq

Bu gün Mərkəzi Seçki Komissiyasının (MSK) növbəti iclası keçirilib. Lent.az-ın məlumatına görə, iclasda əvvəlcə MSK-nın 30 iyun, 8 iyul və 14 iyul 2009-cu il tarixli iclas protokolları ayır-ayırılıqda təsdiqlənib.
Daha sonra Azərbaycan Prezidenti ilham Əliyevin “Azərbaycan Respublikasında İnsan hüquqlarının müdafiəsi üzrə Mili Fəaliyyət Planının təsdiq edilməsi haqqında” 28 dekabr 2006-ccı il tarixli sərəncamının icrası ilə əlaqədar aşağı seçki komissiyaları rəsmiləri üçün kursların hazırlığı və keçirilməsi məsələləri müzakirə edilib. MSK sədrinin müavini Svetlana Qasımova məlumat verərək bildirib ki, mühazirə və seminarlar DSK sədrləri, DSK üzvləri, Məntəqə Seçki Komissiyasının (Mn.SK) sədrləri və Mn.SK üzvləri üçün keçiriləcək. Kurslarda Prezident Adminstrasiyasının 3 nəfər şöbə müdiri, Milli Məclisin komitə sədrləri, ədliyyə naziri, Ali Məhkəmənin sədri və digər şəxslər də mühazirə oxuyacaqlar.

Daha sonra bir neçə normativ xarakterli aktlara dair təlimatlar müzakirə edilərək qəbul olunub və bəzi DSK-ların tərkibinə dəyişiklik edilib.

Pərvin ABBASOV