![KİV nümayəndələri məzuniyyətə çıxıblarmı - SORĞU](https://lent.az/site/assets/images/breaking-news/lentaz.png)
KİV nümayəndələri məzuniyyətə çıxıblarmı - SORĞU
Yay fəslində bir sıra qurumlar fəaliyyətlərində ya tətil elan edir, ya da qısaldılmış iş rejiminə keçir.
Mətbuatda isə belə ənənə hələlik tam formalaşmayıb. Yalnız son illərdə bir neçə KİV öz işçilərini məzuniyyətə göndərir. APA bununla bağlı yazılı KİV arasında qısa sorğu keçirib.
APA-nın redaktoru Məhbubə Qasımbəyli bildirib ki, agentliyin əməkdaşları növbəlilik sistemi ilə istirahətə gedirlər: “Agentlik yay fəsli ilə bağlı iş rejimində heç bir dəyişiklik etməyib. Ümumiyyətlə, yay fəsli ilə bağlı iş rejimində fasilə yaranması praktikasına dünya mediasında da o qədər çox rast gəlinmir. Bizim əməkdaşlar ildə bir dəfə öz məzuniyyət haqlarından istifadə edirlər. Təbii ki, çoxluq yay aylarında məzuniyyətə çıxmaq istəyir. Bu da həm əməkdaşların arzusu nəzərə alınmaqla, həm də iş prosesinə mane olmamaq şərtilə növbəlilik sistemi ilə həyata keçirilir”.
Redaktor bildirib ki, agentlik əməkdaşlarına 21 iş günü məzuniyyət haqqı ödənilməklə istirahət etmək imkanı yaradılır.
“Media forum” portalı isə öz fəaliyyətini 21 günlük dayandırıb. Portalın əməkdaşları avqustun 3-dən tətilə çıxıblar. Bu müddətdə portal fəaliyyətini tam olaraq dayandırıb və sayt yenilənmir.
“musavat.com” saytının redaktoru və “Yeni Müsavat” qəzetinin əməkdaşı Xalid Kazımlı bildirir ki, qəzetin və portalın əməkdaşları hissə-hissə istirahət edirlər: “Amma ümumilikdə tətil elan olunmayacaq. Rotasiya qaydası ilə hamı istirahət edəcək. Hazırda bir neçə əməkdaşımız istirahətdədir”.
“Ekspress” qəzetinin redaktoru Qalib İbrahimoğlu qəzetin tətil elan etməyəcəyini və məzuniyyətin olmayacağını deyib: “Amma əməkdaşlar istəsələr istirahətə gedə bilərlər. Biz bunu redaksiyada elan etmişik. Amma hazırda heç kim istirahətə getməyib, kollektiv iş başındadır”.
“Səs” İnformasiya Agentliyinin baş direktorunun birinci müavini Elşad Hacıyev agentliyin əməkdaşlarına yay istirahətlərini keçirmək üçün imkan yaradıldığını bildirib. Onun sözlərinə görə, ümumi tətil elan olunmasa da, əməkdaşlar növbəli olaraq istirahət edirlər: “Əməkdaşlar hissə-hissə məzuniyyətə gedir, hazırda bir hissəsi məzuniyyətdədir. Onlar redaksiyanın hesabına məzuniyyətə çıxıblar”.
“Azadlıq” qəzetinin direktoru Azər Əhmədov isə nə tətilin, nə də məzuniyyətin olacağını deyib: ““Azadlıq” qəzeti 20 ildir nəşr olunur, bu müddətdə heç vaxt tətil və məzuniyyət olmayıb. Çünki kollektiv çox azdır və kimsə məzuniyyətə gedirsə, onun sahəsində boşluq yaranır. Amma bəzi hallarda vacib işlər olduqda o zaman qısa məzuniyyətə gedən şəxsin cavabdeh olduğu sahəyə digər əməkdaş nəzarət edir”.
“Bakı-Xəbər” qəzetinin baş redaktoru Aydın Quliyev yay fəsli ilə bağlı yalnız 6 günlük iş rejimindən 5 günlük iş rejiminə keçdiklərini deyir: “Hazırda qəzet həftədə 5 dəfə nəşr olunur. Bununla biz istirahət günlərimizin sayını 1 gün artırdıq. Amma hər hansı tətil elan olunmayacaq. Çünki qəzet bir neçə gün fəaliyyətini dayandırdıqda oxucu itirir və oxucuları yenidən toplamaq üçün vaxt lazım gəlir”.
“Olaylar” İnformasiya Agentliyinin baş direktoru Yunus Oğuzun sözlərinə görə isə onlar hər il yay fəslində tətil elan edirlər. Bu il də iyulun 23-dən avqustun 3-nə qədər tətil elan edilib: “Bu müddətdə redaksiyanın fəaliyyəti tam dayandı. Biz ildə iki dəfə belə tətil edirik”. Y. Oğuz bildirib ki, tətil redaksiya əməkdaşlarının maaşlarına təsir etmir.
Lent.az portalının əməkdaşları da məzuniyyət haqlarından istifadə edirlər. Portalın baş redaktoru Qabil Abbasoğlunun bildirdiyinə görə, kollektiv kiçik olduğu üçün əməkdaşlar məzuniyyət haqlarından üç mərhələdə istifadə edirlər. Artıq özü məzuniyyətdən qayıdan baş redaktor portal əməkdaşlarının 21 iş gün haqqı ödənilməklə məzuniyyətdə olduqlarını söyləyib.
“Yeni Azərbaycan” qəzetinin əməkdaşları da növbə ilə yay istirahətinə başlayıblar. Qəzetin baş redaktoru Hikmət Babaoğlu APA-ya bildirib ki, artıq qəzetin əməkdaşlarının bir hissəsi istirahəti başa vurub və hazırda digər qrup istirahətdədir: “Bu prosesi elə həyata keçirməyə çalışırıq ki, əmək ritmimizə təsir göstərməsin, qəzet normal olaraq öz fəaliyyətini davam etdirsin”.
“Bizim yol” qəzetinin baş redaktoru Bahəddin Həziyev də növbəli prinsiplə əməkdaşlara bir həftəlik istirahət verdiyini bildirir: “Ümumi tətil etmək fikrimiz yoxdur. Hazırda qəzetin əməkdaşlarının bir hissəsi istirahətdədir”.
Mətbuatda isə belə ənənə hələlik tam formalaşmayıb. Yalnız son illərdə bir neçə KİV öz işçilərini məzuniyyətə göndərir. APA bununla bağlı yazılı KİV arasında qısa sorğu keçirib.
APA-nın redaktoru Məhbubə Qasımbəyli bildirib ki, agentliyin əməkdaşları növbəlilik sistemi ilə istirahətə gedirlər: “Agentlik yay fəsli ilə bağlı iş rejimində heç bir dəyişiklik etməyib. Ümumiyyətlə, yay fəsli ilə bağlı iş rejimində fasilə yaranması praktikasına dünya mediasında da o qədər çox rast gəlinmir. Bizim əməkdaşlar ildə bir dəfə öz məzuniyyət haqlarından istifadə edirlər. Təbii ki, çoxluq yay aylarında məzuniyyətə çıxmaq istəyir. Bu da həm əməkdaşların arzusu nəzərə alınmaqla, həm də iş prosesinə mane olmamaq şərtilə növbəlilik sistemi ilə həyata keçirilir”.
Redaktor bildirib ki, agentlik əməkdaşlarına 21 iş günü məzuniyyət haqqı ödənilməklə istirahət etmək imkanı yaradılır.
“Media forum” portalı isə öz fəaliyyətini 21 günlük dayandırıb. Portalın əməkdaşları avqustun 3-dən tətilə çıxıblar. Bu müddətdə portal fəaliyyətini tam olaraq dayandırıb və sayt yenilənmir.
“musavat.com” saytının redaktoru və “Yeni Müsavat” qəzetinin əməkdaşı Xalid Kazımlı bildirir ki, qəzetin və portalın əməkdaşları hissə-hissə istirahət edirlər: “Amma ümumilikdə tətil elan olunmayacaq. Rotasiya qaydası ilə hamı istirahət edəcək. Hazırda bir neçə əməkdaşımız istirahətdədir”.
“Ekspress” qəzetinin redaktoru Qalib İbrahimoğlu qəzetin tətil elan etməyəcəyini və məzuniyyətin olmayacağını deyib: “Amma əməkdaşlar istəsələr istirahətə gedə bilərlər. Biz bunu redaksiyada elan etmişik. Amma hazırda heç kim istirahətə getməyib, kollektiv iş başındadır”.
“Səs” İnformasiya Agentliyinin baş direktorunun birinci müavini Elşad Hacıyev agentliyin əməkdaşlarına yay istirahətlərini keçirmək üçün imkan yaradıldığını bildirib. Onun sözlərinə görə, ümumi tətil elan olunmasa da, əməkdaşlar növbəli olaraq istirahət edirlər: “Əməkdaşlar hissə-hissə məzuniyyətə gedir, hazırda bir hissəsi məzuniyyətdədir. Onlar redaksiyanın hesabına məzuniyyətə çıxıblar”.
“Azadlıq” qəzetinin direktoru Azər Əhmədov isə nə tətilin, nə də məzuniyyətin olacağını deyib: ““Azadlıq” qəzeti 20 ildir nəşr olunur, bu müddətdə heç vaxt tətil və məzuniyyət olmayıb. Çünki kollektiv çox azdır və kimsə məzuniyyətə gedirsə, onun sahəsində boşluq yaranır. Amma bəzi hallarda vacib işlər olduqda o zaman qısa məzuniyyətə gedən şəxsin cavabdeh olduğu sahəyə digər əməkdaş nəzarət edir”.
“Bakı-Xəbər” qəzetinin baş redaktoru Aydın Quliyev yay fəsli ilə bağlı yalnız 6 günlük iş rejimindən 5 günlük iş rejiminə keçdiklərini deyir: “Hazırda qəzet həftədə 5 dəfə nəşr olunur. Bununla biz istirahət günlərimizin sayını 1 gün artırdıq. Amma hər hansı tətil elan olunmayacaq. Çünki qəzet bir neçə gün fəaliyyətini dayandırdıqda oxucu itirir və oxucuları yenidən toplamaq üçün vaxt lazım gəlir”.
“Olaylar” İnformasiya Agentliyinin baş direktoru Yunus Oğuzun sözlərinə görə isə onlar hər il yay fəslində tətil elan edirlər. Bu il də iyulun 23-dən avqustun 3-nə qədər tətil elan edilib: “Bu müddətdə redaksiyanın fəaliyyəti tam dayandı. Biz ildə iki dəfə belə tətil edirik”. Y. Oğuz bildirib ki, tətil redaksiya əməkdaşlarının maaşlarına təsir etmir.
Lent.az portalının əməkdaşları da məzuniyyət haqlarından istifadə edirlər. Portalın baş redaktoru Qabil Abbasoğlunun bildirdiyinə görə, kollektiv kiçik olduğu üçün əməkdaşlar məzuniyyət haqlarından üç mərhələdə istifadə edirlər. Artıq özü məzuniyyətdən qayıdan baş redaktor portal əməkdaşlarının 21 iş gün haqqı ödənilməklə məzuniyyətdə olduqlarını söyləyib.
“Yeni Azərbaycan” qəzetinin əməkdaşları da növbə ilə yay istirahətinə başlayıblar. Qəzetin baş redaktoru Hikmət Babaoğlu APA-ya bildirib ki, artıq qəzetin əməkdaşlarının bir hissəsi istirahəti başa vurub və hazırda digər qrup istirahətdədir: “Bu prosesi elə həyata keçirməyə çalışırıq ki, əmək ritmimizə təsir göstərməsin, qəzet normal olaraq öz fəaliyyətini davam etdirsin”.
“Bizim yol” qəzetinin baş redaktoru Bahəddin Həziyev də növbəli prinsiplə əməkdaşlara bir həftəlik istirahət verdiyini bildirir: “Ümumi tətil etmək fikrimiz yoxdur. Hazırda qəzetin əməkdaşlarının bir hissəsi istirahətdədir”.
Oxşar yazılar
![Sabah çimərliklərdə gözlənilən hava şəraiti](https://lent.az/storage/news/2024/september/01/big/66d41d781020966d41d781020a172517720866d41d781020366d41d7810206.jpg)
Sabah çimərliklərdə gözlənilən hava şəraiti
1 sentyabr 2024 , 14:46![Yeni ailə quran cütlük bəy-gəlin paltarında səs verdi](https://lent.az/storage/news/2024/september/01/big/66d431e4ecc2266d431e4ecc23172518243666d431e4ecc1f66d431e4ecc20.jpg)
Yeni ailə quran cütlük bəy-gəlin paltarında səs verdi
1 sentyabr 2024 , 13:22Sabah Bakıda 37 dərəcə isti olacaq - HAVA PROQNOZU
1 sentyabr 2024 , 11:50![Qadın məhkumlar SƏS VERİR -FOTO -VİDEO](https://lent.az/storage/news/2024/september/01/big/66d414e413ab666d414e413ab7172517501266d414e413ab466d414e413ab5.jpg)
Qadın məhkumlar SƏS VERİR -FOTO -VİDEO
1 sentyabr 2024 , 11:28![Bakıda parlament seçkiləri necə keçir? -FOTOLENT](https://lent.az/storage/news/2024/september/01/big/66d3eef9a2da766d3eef9a2da9172516530566d3eef9a2da066d3eef9a2da3.jpeg)
Bakıda parlament seçkiləri necə keçir? -FOTOLENT
1 sentyabr 2024 , 08:32![Sabah Bakının mərkəzi küçəsi tam BAĞLANIR - YENİLƏNİB](https://lent.az/storage/news/2024/august/31/big/66d31c2b19c7566d31c2b19c76172511133966d31c2b19c6e66d31c2b19c71.jpg)
Sabah Bakının mərkəzi küçəsi tam BAĞLANIR - YENİLƏNİB
31 avqust 2024 , 18:42![Bakının bəzi yerləri susuz qalacaq](https://lent.az/storage/news/2024/august/31/big/66d3022f3408566d3022f34086172510468766d3022f3408166d3022f34083.jpg)
Bakının bəzi yerləri susuz qalacaq
31 avqust 2024 , 15:42![Döyüş başa çatdı: 3 bürc, nəhayət, nəfəs alıb rahatlaşa bilər](https://lent.az/storage/news/2024/august/30/big/66d1c270283ef66d1c270283f0172502283266d1c270283e966d1c270283ec.jpeg)