6 ayda 246 nəfər HİV-ə yoluxub

Virus aşkarlanan azyaşlıların da sayında artım müşahidə olunur

“Bu il fevralın əvvəlində 771 nəfər İİV/QİÇS daşıyıcısı var idisə, hazırda rəsmi məlumatlara əsasən, 2017 nəfər Respublika QİÇS-lə Mübarizə Mərkəzində qeydiyyatdadır. Çox acınacaqlı haldır ki, virus aşkarlanan azyaşlıların da sayında artım müşahidə olunur”.

Lent.az-ın məlumatına görə, bunu Y-PEER Azərbaycanda BMT-nin Təcrübəçiləri Assosiasiyası (ABMTTA) və “Həkimlər və Təbib Tələbələr” İctimai Birliyinin keçirdiyi “Teatr əsasında İİV/QİÇS və Reproduktiv Sağlamlıq” sahəsində 5 günlük təlimin yekunları ilə bağlı tədbirdə Respublika QİÇS-lə Mübarizə Mərkəzinin həkimi Səbinə Babazadə söyləyib. Beləliklə, son altı ayda HİV-ə yoluxanların sayı 246 nəfər artıb.

Tədbirdə çıxış edən BMT-nin Əhali Fondunun (UNFPA) “Cənubi Qafqazda Gənclər üçün Reproduktiv Sağlamlıq Təşəbbüsü” layihəsinin rəhbəri Teymur Seyidov bildirib ki, Bakı və regionlarda 12 gənclərə dostluq mərkəzlərinin açılması yalnız başlanğıcdır: “2008-ci ilin oktyabr ayında biz hazırda təlim keçdiyiniz mərkəzi açdıq. Lakin onun necə fəaliyyət etməsi siz, gənclərdən, asılıdır. Gənclərlə birgə işləyərək, biz istəyirik görmək, hansı istiqamətdə gedək”.

O, www.4uth.az saytından da söz açıb. Teymur Seyidovun dediyinə görə, bu sayt vasitəsilə gənclər reproduktiv sağlamlıq haqqında hər bir məlumat, müxtəlif müzakirələr və hətta anonim konsultasiya ala bilərlər və ayda bu sayta 35000-dən – 50000-dək gənc müraciət edir.

Mə lumat üçsün deyək ki ,Y-PEER həmyaşıddan həmyaşıda yönəlmiş innovativ bir təşəbbüsdür. Bu təşəbbüs dünyada İİV/QİÇS-in sürətlə yayılmasının qarşısının alınması üçün 2002-ci ildən etibarən BMT–nin Əhali Fondunun dəstəyi ilə həyata keçirilir.

Ramiz