“Qızların məktəbdən ayrılıb erkən nikaha girməsi sonradan problemlər yaradır”

Bakıda “Ailə və iş” mövzusunda tədbir keçirildi

Bu gün Bakıda Ailə, Qadın və Uşaq Problemləri üzrə Dövlət Komitəsinin (AQUPDK) Beynəlxalq Əmək Təşkilatı (BƏM) əməkdaşlığı çərçivəsində “Ailə və iş” mövzusunda “dəyirmi masa” keçirilib. Lent.az-ın məlumatına görə, AQUPDK sədri Hicran Hüseynova çıxışında Azərbaycan hökumətinin BƏT-lə hərtərəfli və sız əlaqələrə önəm verdiyini deyib. O xatırladıb ki, BƏT-in təməl konvensiyalarını ratifikasiya edən Ahərbaycan hökuməti bu təşkilatla əməkdaşlıq çərçivəsində 2006-2009-cu illər üçün “Layiqli Əməyin Təminatı üzrə Ölkə Proqramı”nı qəbul edib.

H.Hüseynova hökumətin ölkədə ailələrlə bağlı xüsusi proqram və tədbirlərinin həyata keçirildiyini bildirib. Bununla yanaşı, o, həllini gözləyən problemlərin də olduğunu deyib. H.Hüseynova xüsusən ölkənin bölgələrində qızlar təhsildən yayınıb erkən nikaha girirlər. Bu isə sonradan həlli çətin olan problemlər yaradır.

Tədbirdə BƏT-in əlaqələndiricisi Yaşar Həmzəyev çıxışında Azərbaycan hökuməti ilə əməkdaşlıqda maraqlı olduqlarını deyib.

Tədbirdə Milli Məclisin deputatı Hadı Rəcəbli “Ailə və əmək münasibətləri sahəsində qanunvericiliyin təkmilləşdirilməsinin ailə öhdəliyi olan işçilər üçün əhəmiyyəti”, Həmkarlar İttifaqları Konfedrasiyasının səlr müavini “Ailə vəzifələri olan işçilərin maraqlarının qorunmasında həmkarlar ittifaqlarının rolu”, BƏT-in eksperti Marina Baskakova “Ailə və iş öhdəlikləri: Beynəlxalq Əmək Təşkilatının siyasət vasitələri” mövzusunda çıxışlar ediblər.

Pərvin ABBASOV