Magistratura: hüquq – 269 nəfər, istilik texnikası - 1 nəfər

Hüquqda oxumaq istəyən 269 nəfər ərizəsini təsdiq edib, istilik texnikası ixtisasını seçmiş yeganə namizəd isə hələ tərəddüd edir

Bu il ali məktəblərin magistratura pilləsində təhsil almaq istəyənlərdən cəmi 1 nəfər istilik texnikası ixtisasını seçib. Ancaq ikinci mərhələdə iştirak hüququ qazanmış həmin bakalavr hələ öz ərizəsini təsdiq etməyib.

Lent.az-ın məlumatına görə, bu barədə Tələbə Qəbulu üzrə Dövlət Komissiyasının sədri Məleykə Abbaszadə bildirib. Onun sözlərinə görə, bu il magistratura pilləsində təkcə istilik texnikası kimi vacib ixtisasa deyil, bütövlükdə texniki sayəhə maraq azdır. Əvəzində ənənəvi olaraq hüquq və beynəlxalq hüquq, filologiya kimi ixtisaslara sənəd verənlərin sayı çoxluq təşkil edir.

"Azərbaycanda gənclərin və valideyngənlərin daha çox xoşladığı hüquq və beyəlxalq hüquq ixtisasına marağın yüksək olması magistraturaya sənəd qəbulunda da özünü göstərir. İstilik texnikasına cəmi 1 namizəd olduğu halda hüquqa sənəd verənlərin 269 nəfəri artıq ərizələrini təsdiqləyib " – deyə, Məleykə Abbaszadə bildirib.

Elxan SALAHOV