“Donuz qripi” dünyanın 33 ölkəsində

Meksikada 60, ABŞ-da 3, Kanada və Kosta-Rikada 1 nəfər bu virusdan dünyasını dəyişib

A(H1N1) virusu kimi təsdiq olunmuş “Donuz qripi” dünyanın 33 ölkəsində qeydə alınıb. Bu xəstəliyin daşıyıcıları 6497 laborator yoxlamalarda təsdiq olunub.

Bu barədə Lent.az-a Səhiyyə Nazirliyinin mətbuat xidmətindən bildiriblər. Ümumdünya Səhiyyə Təşkilatının məlumatına əsasən, bu günədək dünyanın 33 ölkəsində - Meksika, ABŞ, Kanada, Yeni Zelandiya, İsrail, İspaniya, Avstriya, Almaniya, Birləşmiş Krallıq, İsveçrə, Niderland, Çin (Honq-Konq), Danimarka, Fransa, Koreya, İrlandiya, Kosta-Rika, İtaliya, Kolumbiya, Salvador, Portuqaliya, Qvatemala, İsveç, Polşa, Braziliya, Argentina, Avstraliya, Yaponiya, Norveç, Panama, Kuba, Finlandiya və Tailandda qeydə alınıb. Bunlardan Meksikada 60, ABŞ-da 3, Kanada və Kosta-Rikada hərəsində 1 hadisə ölümlə nəticələnib.

Səhiyyə Nazirliyi Azərbaycanda bu xəstəliyə şübhəli halların qeyd olunmadığını bir daha qeyd edir.

Elxan SALAHOV