“Donuz qripi” 23 ölkədə yayılıb

Azərbaycanda bu xəstəliklə bağlı şübhəli hallar qeydə alınmayıb

Dünyanın 23 ölkəsində 1893 laborator təsdiq olunmuş A(H1N1) qrip hadisəsi qeydə alınıb. Bu ölkələr Meksika, ABŞ, Kanada, Yeni Zelandiya, İsrail, İspaniya, Avstriya, Almaniya, Birləşmiş Krallıq, İsveçrə, Niderland, Honkonq, Danimarka, Fransa, Cənubi Koreya, İrlandiya, Kosta-Rika, İtaliya, Kolumbiya, Salvador, Portuqaliya, Qvatemala və İsveçdir.

Səhiyyə Nazirliyindən Lent.aza verilən xəbərə görə, bu məlumatı Ümumdünya səhiyyə Təşkilatı yayıb. Məlumata görə, həmin 23 ölkədə 1893 laborator təsdiq olunmuş A(H1N1) qrip hadisəsi qeydə alınıb. “Donuz qripi” virusu Meksikada 29, ABŞ-da isə 2 nəfərin ölümü ilə nəticələnib.

Nazirliyin mətbuat xidmətində bildirirlər ki, Azərbaycanda bu xəstəliyə şübhəli hallar qeydə alınmayıb.

Elxan SALAHOV