Qarğıdalı döyən, üzümü qırmızı üsulla emal edən qurğu

Standartlaşdırma, Metrologiya və Patent üzrə Dövlət Komitəsinin rəsmi nəşrləri olan “İxtiralar. Faydalı modellər. Sənaye nümunələri” və “Əmtəə nişanları və coğrafi göstəricilər” bülletenlərinin yeni sayı çapdan çıxıb. Dövlət Komitəsinin mətbuat xidmətindən Lent.az-a verilən məlumata görə, bülletenlərə Azərbaycan Respublikasının dövlət reyestrinə daxil edilmiş əmtəə nişanları, ixtira, sənaye nümunəsi, faydalı model patentləri haqqında ətraflı məlumatlar daxil edilib.

2010-cu ilin aprel-avqust ayları ərzində Komitə tərəfindən 39 ixtiraya, 7 sənaye nümunəsinə patent verilib, 764 əmtəə nişanı qeydiyyatdan keçib.

İxtiralara misal olaraq toxumların mayedə çeşidlənməsi üsulu və qurğusu, qarğıdalı döyən, tərəvəz aşqarlı bişmiş kolbasa hazırlanması üsulu, quruducu qurğu, yanğının söndürülməsi üçün köpük yaradıcısı, borat turşusunun çıxarılması üsulu, asetonun alınma üsulu, gəmi dizelləri üçün motor yağı, üzümü qırmızı üsulla emal edən qurğunu göstərmək olar.

Ramiz