Türkdilli Ölkələrin Parlament Assambleyasına (TÜRKPA) sədrlik Türkiyədən Azərbaycana keçdi. Lent.az-ın məlumatına görə, sədrliyin təhvil verilmə mərasimi bu gün Bakıda keçirilən TÜRKPA Assambleya Şurasının iclasında baş tutub.
İclasda Türkiyə Böyük Millət Məclisinin sədri Cəmil Çiçək çıxış edərək ölkəsinin sədrliyi dövründə TÜRKPA-nın fəaliyyətindən danışıb. Daha sonra sıra ardıcıllığına uyğun olaraq sədrliyin Azərbaycana keçdiyini elan edib. Azərbaycan Milli Məclisinin sədri Oqtay Əsədov isə çıxış edərək sədrliyin qəbul edildiyini elan edib.
Qeyd edək ki, TÜRKPA-ya 4 ölkə - Azərbaycan, Türkiyə, Qazaxıstan və Qırğızıstan daxildir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
