Qənirə Paşayeva: “Türklər etiraz səsini ucaltmalıdır”

“Avropa Parlamentinin qondarma erməni soyqırımı iddiaları ilə bağlı qərarına bütün dünyada yaşayan türklər etiraz səsini ucaltmalıdır”. Lent.az-ın məlumatına görə, bunu millət vəkili Qənirə Paşayeva Avropa Parlamentinin "erməni soyqırımı" ilə bağlı qəbul etdiyi qətnaməyə münasibət bildirərkən deyib. Onun sözlərinə görə, Avropada yaşayan türk kökənli insanlar da yaşadıqıqları ölkələrdə bu müzakirələrə dəstək vermiş millət vəkillərinə və Avropa Parlamentinə ciddi etirazlarını bildirməlidirlər: “Avropa Parlamentinin yalanlarla bağlı qərarını heç bir türk insanı tanımayacaq və qəbul etməyəcək. Avropa Parlamenti bu qərarı ilə ədalətsiz və haqsızlığa imza atdığını nümayiş etdirdi. Bununla bərabər, bir sıra Avropa ölkələri qondarma erməni soyqırımı yalanlarından öz məqsədləri üçün necə istifadə etdiklərini də bir daha göstərdilər. Onların dərin maraqlarını isə hər bir insanımız yaxşı bilməlidir. Yalanlara qarşı ən ciddi mübarizə yolu isə bütün dünyada gerçəkləri daha çox anlatmaqdır. Ermənistanın, ermənilərin Qarabağda, Xocalıda törətdiyi dəhşətləri, soyqırımı türk kökənli bütün insanlar dünyaya daha çox çatdırmalı, yalanlara qarşı gerçəklərlə müzakirəni daha da genişləndirməlidirlər”.