ATƏT-in Bakı ofisinin rəhbəri Koray Tarqay təmsil etdiyi qurumun statusunun dəyişdirilməsinə münasibət bildirib. Lent.az-ın məlumatına görə, K. Tarqay deyib ki, Azərbaycan Xarici İşlər Nazirliyi ATƏT-in Daimi Şurasına təklif irəli sürüb və orada Azərbaycanın istəklərinə cavab verən qərar qəbul olunub: “Hazırda ad dəyişikliyindən başqa bir şey yoxdur. Hələlik fəaliyyətimiz əvvəlki qaydada davam edir”.
Koray Tarqay deyib ki, qəbul edilən qərar çərçivəsində Anlaşma Memorandumu təsbit ediləcək: “Ondan sonra artıq fəaliyyət istiqaməti müəyyənləşəcək”.
Koray Tarqay onu da bildirib ki, Azərbaycanda sabitlik və sülh, Azərbaycan xalqının xoşbəxtliyi hər şey önəmlidir: “Qanunlara uyğun addımların atılması və Azərbaycanda keçiriləcək seçkilərə kölgə düşməməsi üçün əlimizdən gələn hər şeyi edəcəyik”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
