Putin İlham Əliyev və Paşinyanla ayrı-ayrılıqda görüşəcək
28 oktyabr 2022 17:27 (UTC +04:00)

Putin İlham Əliyev və Paşinyanla ayrı-ayrılıqda görüşəcək

Rusiya prezidenti Vladimir Putin Ermənistan və Azərbaycan liderləri Nikol Paşinyan və İlham Əliyevlə ayrı-ayrılıqda görüşlər keçirəcək. 

Lent.az bildirir ki, bu barədə Kremlin mətbuat xidməti məlumat yayıb.

Qeyd olunur ki, Rusiya tərəfinin təşəbbüsü ilə oktyabrın 31-də Soçidə Putin, Paşinyan və Əliyev arasında üçtərəfli danışıqlar keçiriləcək.

“Rusiya, Azərbaycan və Ermənistan liderləri arasında 9 noyabr 2020-ci il, 11 yanvar və 26 noyabr 2021-ci il tarixli üçtərəfli sazişlərin icrası, Transqafqazda sabitliyin və təhlükəsizliyin möhkəmləndirilməsi üzrə gələcək addımların nəzərdən keçirilməsi planlaşdırılır. Həmçinin ticarət-iqtisadi və nəqliyyat əlaqələrinin bərpası və inkişafı məsələləri də müzakirə olunacaq”, - məlumatda deyilir.


 

# 2052
avatar

Oxşar yazılar