İlham Əliyev: "Azərbaycan hökuməti və xalqı qardaş Türkiyənin yanındadır"
30 iyul 2021 11:15 (UTC +04:00)

İlham Əliyev: "Azərbaycan hökuməti və xalqı qardaş Türkiyənin yanındadır"

Azərbaycan Prezidenti İlham Əliyev Türkiyə Prezidenti  Rəcəb Tayyib Ərdoğana başsağlığı verib.

Lent.az-ın məlumatına görə, başsağlığında deyilir:

“Hörmətli cənab Prezident,

Əziz Qardaşım,

Qardaş Türkiyənin müxtəlif bölgələrində baş vermiş güclü meşə yanğınları və onların törətdiyi fəsadlar barədə xəbər bizi son dərəcə kədərləndirir.

Əminəm ki, Sizin rəhbərliyiniz altında hökumətinizin atdığı qətiyyətli addımlar sayəsində əzmli və mübariz Türkiyə xalqı bu fəlakətin öhdəsindən tezliklə gələcəkdir.

Azərbaycan hökuməti və xalqı hər zaman olduğu kimi bu gün də qardaş Türkiyə xalqı ilə həmrəydir və onun yanındadır.

Dağıdıcı yanğınlar nəticəsində həlak olanların ailələrinə və yaxınlarına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm”.

# 2286
avatar

Oxşar yazılar