Yeni Zelandiyada Leyboristlər Partiyasından Soraya Peke-Masonun and içməsindən sonra qadın deputatların sayı 60-a yüksələrək ilk dəfə kişi deputatların sayını üstələyib.
Lent.az xarici mediaya istinadla bildirir ki, Yeni Zelandiyada parlamentin keçmiş sədri Trevor Mallarddan sonra İrlandiya səfiri vəzifəsinə keçən İşçi Partiyasından Soraya Peke-Mason parlamentdə and içib. Parlamentdəki dəyişiklikdən sonra qadın deputatların sayı 60-a çatıb, kişi deputatların sayı isə 59 olub.
Parlamentlərarası İttifaqın məlumatına görə, Yeni Zelandiya bu il parlamentdə qadınların ən azı 50 faizinin təmsil olunduğu Kuba, Meksika, Nikaraqua, Ruanda və Birləşmiş Ərəb Əmirlikləri arasında yerini tutub.
Məlumatlara görə, dünya üzrə deputatların təxminən 26 faizini qadınlar təşkil edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
