Biz bu yaşlı insanların namizəd olmasını istəmirik: Keçmiş səfir

ABŞ Respublikaçılar Partiyasından prezidentliyə namizəd olmağa çalışan Nikki Heyli yaşına görə Co Baydeni istefaya çağırıb.

Lent.az xarici mediaya istinadən xəbər verir ki, ABŞ-ın BMT-dəki keçmiş səfiri həm hazırkı prezident Co Baydeni, həm də onun Respublikaçılar Partiyasından rəqibi Donald Trampı ittiham edib. Heyli iddia edir ki, həm Bayden, həm də Tramp yaşlarına görə artıq prezidentlik vəzifələrini layiqincə yerinə yetirmək iqtidarında deyillər.

"Xüsusi prokurorun sözlərinə görə, zəifləmiş və artıq iki il əvvəlki kimi olmayan bir Co Baydenlə qarşılaşırıq", - Heyli deyib.

Baydenə münasibətdə, o, insanın "ağlını itirmiş" mənasını verən "azalmış" sözünü işlədib və əlavə etdi ki, onun vəzifədən getməsi bütün xalqın xeyrinə olardı.

“Bizim Donald Tramp var, o, hətta o vaxtlar (prezidentliyi dövründə) idarəolunmaz idi və indi tamamilə idarə olunmazdır. Niyə biz xaos içində olan bir ölkə və yanan bir dünya ilə kifayətləndik? Biz bu qocaların namizəd olmasını istəmirik”, - Heyli söyləyib.

Bununla belə, rəy sorğularına görə, amerikalı seçicilərin üçdə ikisi Donald Tramp və Co Bayden arasında təkrar qarşıdurma görmək istəyir. Respublikaçıların namizədliyi üçün ilkin yarışda Nikki Heyli Donald Trampdan əhəmiyyətli dərəcədə geridə qalır, seçicilərin 30 faizinin ona səs verəcəyi gözlənilirsə, Trampa bu göstərici 65 faizdir.