“Sumqayıt hadisələri ilə bağlı başlanan cinayət işinin istintaqı təzələnib”
28 fevral 2011 14:39 (UTC +04:00)

“Sumqayıt hadisələri ilə bağlı başlanan cinayət işinin istintaqı təzələnib”

APA-nın xəbərinə görə, bunu Prezident Administrasiyasının (PA) hüquq-mühafizə orqanları ilə iş şöbəsinin müdiri Fuad Ələsgərov Azərbaycan Respublikası Prezidenti yanında Dövlət İdarəçilik Akademiyasında sumqayit.com saytının təqdimat mərasimindəki çıxışında bildirib.

F. Ələsgərov deyib ki, qrup tərəfindən hadisə şahidlərinin ifadələri alınıb: “Hadisələrdə erməni millətçi dairələrinin rolunun olduğu bir daha sübuta yetirilib. Dövlət başçısı bu işləri daim nəzarətdə saxlayır. Cinayət işinin təzələnməsi də məhz ölkə prezidentinin təşəbbüsü ilə olub”.

PA rəsmisinin sözlərinə görə, yeni istintaq-əməliyyat tədbirləri zamanı Sumqayıt hadisələrində əvvəlki istintaqlarda adları keçməyən Sarkisyan və Osipyan soyadlı Dövlət Təhlükəsizlik Komitəsi (DTK) əməkdaşlarının iştirakı, həmçinin cinayətin təşkilatçılarından olan Eduard Qriqoryanın iki qardaşı - Dağlıq Qarabağdan gələn emissarlar da müəyyənləşdirilib.

F. Ələsgərov onu da deyib ki, Sarkisyan və Osipyanın sonradan Özbəkistan və Qırğızıstanda baş verən təxribatlarda da iştirak ediblər.
1 2 3 4 5 İDMAN XƏBƏRLƏRİ
# 545

Oxşar yazılar