Xocalı soyqırımının 19-cu ildönümü İtaliyada qeyd olunacaq
22 fevral 2011 16:54 (UTC +04:00)

Xocalı soyqırımının 19-cu ildönümü İtaliyada qeyd olunacaq

Fevralın 24-də İtaliyanın Busto Garolfo şəhərində Xocalı soyqırımının 19-cu ildönümünə həsr olunmuş tədbir keçiriləcək. Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, “Azəri” Azərbaycan Mədəniyyət Assosiasiyası, Orizon məktəbi və şəhər bələdiyyəsinin təşkilatçılığı ilə baş tutacaq tədbirdə Azərbaycanın İtaliyadakı səfirliyi, şəhərin rəhbərliyi, jurnalistlər, Torino və başqa şəhərlərdən olan həmyerlilərimiz və italyanlıların iştirakı planlaşdırılır.


Ümumilikdə 70-dək qonağın iştirakı gözlənilən tədbir zamanı Xocalı soyqırımına həsr olunmuş sənədli film nümayiş olunacaq, Xocalı faciəsi və onun törətdiyi fəsadlar haqqında danışılacaq, Orizon məktəbinin soyqırımı qurbanlarının xatirəsinə ithaf etdiyi rəqs kompozisiyası göstəriləcək.
1 2 3 4 5 İDMAN XƏBƏRLƏRİ
# 536

Oxşar yazılar