“Xarici radiostansiyaların yayımının bərpası qeyri-mümkündür”
30 sentyabr 2009 12:30 (UTC +04:00)

“Xarici radiostansiyaların yayımının bərpası qeyri-mümkündür”

“Xarici radiostansiyaların Azərbaycanın milli tezliyində yayımlanması ilə bağlı ötən ildən aparılan danışıqlar eyni vəziyyətdə qalıb”.

Bu sözləri Prezident Administrasiyası ictimai-siyasi şöbəsinin müdiri Əli Həsənov deyib. Azərbaycan qanunvericiliyinin yerli FM dalğalarının, milli teleradio şirkətləri üçün nəzərdə tutulmuş yayıcı vasitələrin xarici radiolara icarəyə və istifadəyə verilməsini qadağan etdiyini bildirən şöbə müdiri bu səbəbdən onların FM dalğalarında yayımının yenidən bərpasını qeyri-mümkün sayır:


“Bununla belə, dəfələrlə bəyan etmişik ki, bu radiostansiyaların dünyanın başqa ölkələrində, Avropada hansı vasitələrlə - peyk, internet vasitəsi, digər dalğalardan istifadə etməklə - yayımlanmasına şərait yaratmağa hazırıq. Bir məsələ də qaldırılmışdı ki, dövlətlərarası müqavilə əsasında bu radioların Azərbaycanda yayımı həyata keçirilsin. Biz buna da etiraz etmədiyimizi bildirdik. Amma mövcud halda Azərbaycan qanunvericiliyi həmin radioların FM dalğalarında yayımına icazə vermir. Söhbət yalnız FM-dən gedir. Qalan dalğalarda isə onların yayımını təmin etməyə hazırıq və bu gün də həmin təminatı veririk”.
# 570

Oxşar yazılar