Gürcüstanın dövlət naziri Azərbaycan səfiri ilə görüşüb
28 noyabr 2012 02:45 (UTC +04:00)

Gürcüstanın dövlət naziri Azərbaycan səfiri ilə görüşüb

Gürcüstanın reinteqrasiya məsələləri üzrə dövlət naziri Paata Zakareişvili Azərbaycanın Gürcüstandakı səfiri Azər Hüseyn ilə görüşüb.

APA-nın Gürcüstan bürosunun məlumatına görə, bu barədə nazirlikdən bildirilib. Məlumata görə, dövlət naziri Zakareişvili Azərbaycan səfirini əmin edib ki, onun rəhbərlik etdiyi nazirliyə aid bütün məsələlərdə səfirliklə əməkdaşlığa hazırdır.

Səfir Azər Hüseyn Zakareişvilini dövlət naziri vəzifəsinə təyin olunması münasibəti ilə təbrik edərək, əməkdaşlığa hazır olduğunu bildirib.

Zakareişvili öz növbəsində Azərbaycanın bir strateji tərəfdaşı kimi Gürcüstan üçün əhəmiyyətini qeyd edərək, çeşidli istiqamətlərdə əməkdaşlığın dərinləşdirilməsinə hazır olduğunu vurğulayıb.

Görüşdə dövlət nazirinin müavini Ketevan Tsixelaşvili də iştirak edib.
# 650

Oxşar yazılar