Qənirə Paşayeva Pakistanı nümunə göstərdi - FOTO

Lent.az-ın məlumatına görə, bunu Milli Məclisin (MM) Azərbaycan-Pakistan parlamentlərarası Dostluq Qrupunun üzvü, millət vəkili Qənirə Paşayeva noyabrın 26-da Pakistan Milli Assambleyasının Azərbaycanda səfərdə olan nümayəndə heyəti ilə görüş zamanı bildirib. Millət vəkili Qənirə Paşayeva dəfələrlə Pakistanda olduğunu və bu ölkədə keçirilmiş bir çox toplantılarda iştirak etdiyini bildirib.

Millət vəkili xatırladıb ki, o istər jurnalist fəaliyyəti zamanı, istərsə də son 7 illik deputatlıq fəaliyyəti dövründə bu ölkəyə səfər edib, orada görüşlər keçirib, həmçinin jurnalist araşdırmaları ilə məşğul olub:

Q.Paşayeva deyib ki, bu gün Pakistan həm də Ermənistanla diplomatik əlaqələr qurmayan tək-tük dövlətlərdən biridir: “Biz Pakistan dövlətinin bu addımını da çox yüksək qiymətləndiririk və ona minnətdarlığımızı bildiririk. Çox istərdik ki, bir çox dövlətlər Azərbaycana münasibətdə qardaş və dost Pakistandan örnək, nümunə götürsünlər”.

Millət vəkili sonda pakistanlı həmkarlarını Tovuz bölgəsinə səfərə dəvət edib və onun bu dəvəti müsbət qarşılanıb.