Böyük Britaniyanın yeni H3N2 qripi epidemiyası ilə bağlı həyəcan təbili çalmasından sonra İspaniyada da həyəcan verici hadisələr baş verib.
Lent.az xarici mediaya istinadla bildirir ki, yoluxma hallarının sayı artdıqca xəstəxanalarda xaos hökm sürür və mütəxəssislər virusun qarşısını almaq üçün mübarizə aparırlar. Xəstələr günlərlə çarpayı gözləyirlər, ərazidən çəkilmiş görüntülərdə isə onların dəhlizlərdə yatmağa məcbur olduqları görünür.
Ölkəni bürüyən yeni H3N2 qripi epidemiyası səbəbindən çətin bir dövrlə üzləşən Böyük Britaniya xəstəxanaların təcili yardım şöbələri dolduqdan sonra həyəcan təbili çalıb.
2024-cü illə müqayisədə xəstəxanaya yerləşdirmələrin 56 faiz artdığı İngiltərədə yüksək səviyyəli tədbirlər görülsə də, İspaniyadan da həyəcan verici xəbərlər gəlib.
Yeni H3N2 qripi hallarının artdığı bir Avropa ölkəsində xəstəxanaların virusun qarşısını almaq üçün mübarizə apardığı bildirilir. Bölgədən çəkilən görüntülərdə xəstəxanaların dolub daşdığı və xəstələrin hazırda dəhlizlərdə gecələdiyi görünür.
İspaniyanın "Olive Press" nəşri ölkənin şimalındakı xəstəxanaların yeni qrip növü ilə mübarizə aparmaqda çətinlik çəkdiyini, xüsusən də şəhər səhiyyə işçilərinin virusdan əziyyət çəkdiyini bildirib. Barselonada əsas səhiyyə mərkəzlərinin dəhlizləri xərəklərlə doludur və yoluxma hallarının sayı hər həftə ikiqat artır.
Muxtar Generalitat sağlamlıq mərkəzlərində və qocalar evlərində maska taxmaq məcburi olsa da, xəstəxanaya yerləşdirilənlərin əksəriyyətinin epidemiyanın erkən mərhələlərində yoluxmuş uşaqlar və gənclər olduğu bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
