Qaynar çay içənlərə XƏBƏRDARLIQ: Xərçəng ola bilərsiniz

Alimlər isti çayın təhlükələri barədə xəbərdarlıq ediblər.

Lent.az xəbər verir ki, çayı isti formada içmək yaxşıdır, çünki tamamilə soyuduqda bəzi xüsusiyyətlərini itirir. Ancaq çay isti halda bir sıra xəstəliklərin inkişafına səbəb ola bilər.

Türkiyə alimləri isti çay içməyin zərərləri barədə xəbərdarlıq ediblər. Bu formada bu içki mədə xərçənginin inkişafına gətirib çıxarır.

Əvvəllər tədqiqatçılar çox isti içkilərin orqanizmə mənfi təsir göstərdiyini və müxtəlif xəstəliklərin inkişafına səbəb ola biləcəyini irəli sürmüşdülər. Alimlər bunu təsdiqləmək üçün bir neçə il ərzində isti içki içmək ənənəsi olan Türkiyə, Çin, Qazaxıstan, Tacikistan və Özbəkistandan olan 50 000 nəfərdən ibarət qrupu izləyiblər.

Qastroenterologiya sahəsi üzrə mütəxəssis Vedat Geral 65 dərəcədən yuxarı temperaturda içkinin müntəzəm istehlakının qida borusu xərçənginin inkişaf riskini artırdığını təsdiqləyib. Bundan əlavə, bəzi bölgələrdə adət olduğu kimi, soyuq su ilə isti çay içmək yemək borusunda xora və kəskin qastrit yarada bilər ki, bu da öz növbəsində xərçəngin inkişafına kömək edir.

Geral, genetik meyllərin özofagus xərçənginin inkişafına səbəb olduğunu, lakin isti çayın onun aktiv mərhələyə keçməsi üçün tətik ola biləcəyini vurğulayıb. Digər tətikləyici faktorlara siqaret və spirtli içki daxildir.

Eyni zamanda alimlər çaydan imtina etməyi məsləhət görmürlər. Çünki o immunitetə və orqanizmin fəaliyyətinə müsbət təsir göstərən çox sağlam içkidir. Çayın əsas sağlamlıq faydaları polifenollardır, xüsusilə katexinlər və epikatexinlərdir. Laboratoriya tədqiqatları göstərir ki, bu molekullar antiinflamatuar və antioksidant xüsusiyyətlərə malikdir.

Bundan əlavə, çay sinir və həzm sistemlərinə faydalı təsir göstərir, maddələr mübadiləsini yaxşılaşdırır, yorğunluğu aradan qaldırır və ürəyin işini tarazlaşdırır. Həmçinin, bu içki çox miqdarda faydalı iz elementlərini ehtiva edir: kalsium, maqnezium, flüor, manqan, dəmir, mis və s.