Ölümcül genetik xəstəliyinin müalicəsi tapıldı

Alimlər ölümcül genetik xəstəliyi müalicə etməyin yolunu tapıblar.

Lent.az xarici mətbuata istinadən xəbər verir ki, Yeni Zelandiyada tədqiqatçılar CRISPR/Cas9 metodundan istifadə edərək irsi anjioödem adlı genetik xəstəliyin müalicəsində əhəmiyyətli irəliləyiş əldə ediblər.

Yeni Zelandiya, Hollandiya və Böyük Britaniyadan olan bir çox xəstə bir gen redaktəsindən sonra dərmanlarını qəbul etməyi dayandırıb.

Tədqiqat Oklend Universiteti, Amsterdam Tibb Mərkəzi və Kembric Universitetinin alimləri tərəfindən birgə aparılıb və onlar prekalikreinin istehsalına cavabdeh olan KLKB1 geninə müdaxilə etmək qərarına gəliblər. Onların işi ödemin inkişafına mane olan plazma kallikrein səviyyəsini azaldır.

Tədqiqatçılar bu cür müalicələrin digər genetik xəstəliklər üçün də təsirli ola biləcəyinə ümid etdiklərini, əlavə tədqiqat işlərinin aparılmasını tələb ediblər.