Məşhur uşaq qidası xərçəngə səbəb olur – Azərbaycanda varmı?

Amerikalı uşaq məhsulları şirkəti xərçəngə səbəb olan bir qida ilə bağlı yüksək səviyyəli qalmaqala düşüb.

Johnson & Johnson ABŞ-da on minlərlə məhkəmə işini həll etmək üçün 5,5 milyard dollara qədər təklif edib. İddiaçılar iddia edirlər ki, brendin talk məhsulları, o cümlədən Johnson's Baby Powder, yumurtalıq xərçənginin inkişafı ilə əlaqəli ola bilər.

Lent.az-ın xarici mediaya istindən xəbərinə görə, razılaşma illərlə davam edən məhkəmə çəkişmələrini həll etməyi hədəfləyir və ABŞ məhkəmələrində qalan demək olar ki, bütün işləri əhatə edir. Şirkətin məlumatına görə, talk əsaslı məhsullarla bağlı təxminən 69.000 məhkəmə iddiası sazişlə əhatə olunacaq. Johnson & Johnson saziş çərçivəsində ilk ödənişi 2027-ci ildə - təxminən 3 milyard dollar - etməyi planlaşdırır.

Sazişdə 2028-ci ilə qədər heç bir əlavə ödəniş nəzərdə tutulmayıb. İddiaçıların nümayəndələri qeyd edirlər ki, əməliyyatın tərəflərinin sayından asılı olaraq, son kompensasiya məbləği əvvəlcə göstərilən 5,5 milyard dollardan yüksək və 7 milyard dolları keçə bilər.

Sazişin qüvvəyə minməsi üçün federal və ştat məhkəmələrində yumurtalıq xərçəngi iddiaçılarının 95 faizini təmsil edən hüquq firmaları tərəfindən təsdiqlənməlidir.

Məhsulun tərkibindəki dəyişikliklər tədricən baş verib və bu da Amerika bazarı ilə digər ölkələr arasında fikir ayrılıqlarına səbəb olub. ABŞ və Kanadada şirkət 2020-ci ildə talk tozunun satışını dayandırıb, lakin əvvəlki versiyasını bir sıra digər ölkələrdə satmağa davam edib.

Şirkət talk əvəzinə qarğıdalı nişastasından istifadə edərək alternativ formula keçidi yalnız 2023-cü ildə tam başa çatdırıb. Bununla belə, brendin bəzi ölkələrin veb saytında hələ də tozun təbii talk tərkibli olduğu qeyd edilən aktiv məhsul səhifəsi mövcuddur.

Talk, xərçəngə səbəb olduğu bilinən asbest yataqlarının yaxınlığında yerləşən mədənlərdə və karxanalarda çıxarılır. Bu, talk məhsullarının təhlükəli çirkləri ehtiva edə biləcəyi ilə bağlı narahatlıqlara səbəb olub. Johnson & Johnson şirkətinin məhkəmə işləri üzrə vitse-prezidenti Erik Haas iddiaları rədd edərək onları əsassız adlandırıb.