Hamilə qalmaq istəyənlərə XƏBƏRDARLIQ – Bu üsulun xeyri yoxdur

Tibbdə skipidar vannalar müxtəlif xəstəliklərin müalicəsində istifadə edilir.

Lent.az xəbər verir ki, müalicə ilə yanaşı bəzən insanların sağlamlığına ziyan vura bilər.

Belə ki, çox vaxt skipidar vannaların hamilə qalmaq istəyən qadınlara kömək olduğu deyilir.

Mama-ginekoloq Mariya Selixova bunun doğru olmadığını bildirib.

“Turpentin vannalar da digər su prosedurları kimi, reproduktiv çətinliklərdən qurtulmağa kömək etmir. Bəzən hamilə qalmaq üçün qadınların ayaqlarını skipidar məhlulu ilə islatması tövsiyə edilir. Ancaq bunun heç bir elmi və tibbi əsası yoxdur. Hətta belə vannalar sağlamlığa zərər verə bilər”, - həkim deyib.

Məlumata görə, turpentin dəri və selikli qişalarda yanıqlar buraxa, xroniki xəstəlikləri şiddətləndirə və ya ağır allergik reaksiyaya səbəb ola bilər.

Ginekoloqun fikrincə, rahatlaşdırıcı su vannaları yaxşıdır. Çünki onlar fiziki və emosional stressi aradan qaldırır və hamiləliyə səbəb olacaq keyfiyyətli cinsi əlaqənin başlanğıcına çevrilir. Ancaq bu qayda yalnız cütlüyün reproduktiv sağlamlıq problemi olmadığı təqdirdə həyata keçirilməlidir.

Selixova onu da qeyd edib ki, bu yollarla hamilə qalmaq istəyənlərin yaşı, hormonal səviyyələri, həyat tərzi və hər iki partnyorda patologiyaların olmaması təsir göstərir. Həm də hamiləliyi planlaşdırarkən sağlamlıq problemlərinin vaxtında fərqinə varıb və onu həll etmək lazımdır.