Ginekoloji həblər genital bölgədə qaralmaya səbəb olur? - CAVAB

Lent.az-ın “Bir sual, bir cavab” rubrikasının bugünki mövzusu qadınlarda xarici cinsiyyət orqanının qaralması ilə bağlıdır..

Qadınlarda "vulva" adlanan xarici cinsiyyət orqanının müxtəlif səbəblərdən qismən və ya daha çox qaralma problemi var. Zamanla vulva yaş və hormonal dəyişikliklər səbəbindən qəhvəyi rəngə çevrilə bilər. Burada qaralmanın əsas hormonu estrogendir. Estrogenlə zəngin olan vulva toxuması günəşin ultrabənövşəyi şüalarının təsiri altında qarala bilər. Hamiləlik dövründə estrogenin artması səbəbindən bir çox qadın cinsiyyət orqanlarının qaralmasından şikayətlənir. Hamiləlikdən sonra bölgədəki qaralma qalıcıdır. Bu xüsusilə tünd dərili insanlarda özünü göstərir.

Maraqlıdır, ginekoloji həblər genital bölgədə qaralmaya səbəb olurmu?

Lent.az xarici KİV-ə istinadən xəbər verir ki, hamiləlikdən əlavə, doğuşa nəzarət həbləri, polikistik yumurtalıq sindromu, bəzi hormonal problemlər və bəzi dəri xəstəlikləri də xarici cinsiyyət orqanlarının qaralmasına səbəb olur. Bəzi insanlarda genetik meyl də ola bilər. Bəzən genital bölgədəki tükləri çıxarmaq üçün lazer tətbiq edildikdən sonra genital bölgənin rəngi dəyişə bilər. Genital nahiyəyə verilən lazer dəri toxumasında olan “melanin” piqmentini aktivləşdirə və nahiyənin qəhvəyi rəngə çevrilməsinə səbəb ola bilər.

Ginekoloji həblər genital bölgədə qaralmaya səbəb olurmu?

Qadınlarda güclü estrogen ifrazı genital bölgənin qaralmasının ən çox yayılmış səbəbidir. Bu baxımdan, qadında hormonal dəyişikliklər baş verən yetkinlik və hamiləlik dövründə estrogen ifrazının artması səbəbindən genital bölgənin qaralması baş verə bilər.

Hamiləliyin qarşısını almaq üçün atılan həblər qadın orqanizmində hormonal dəyişikliklər yaradır və xüsusilə də tərkibindəki estrogenlə cinsiyyət nahiyəsində qaralmaya səbəb olur.

Cinsiyyət orqanlarının qaralmasınını qarşısını almaq üçün nə etmək laızmdır?

Xarici cinsiyyət orqanlarında arzuolunmaz rəng dəyişiklikləri insanlarda bəzi psixoloji problemlər yarada bilər. Bəzi qadınlar özlərini əvvəlki halları ilə müqayisə edərək bunu öz problemlərinə çevirə bilərlər. Bu vəziyyətdə lazerlərdən istifadə etməklə qənaətbəxş nəticələr əldə etmək olar.

Cinsiyyət orqanlarının lazerlə ağartılmasına "labial ağartma" və ya "vulvar ağartma" da deyilir. Xarici cinsiyyət nahiyəsinə lazer tətbiqi cinsiyyət nahiyəsində vulvanın sıxılması üçün də istifadə olunur. Bu zaman lazer böyük dodaqlara və kiçik dodaqlara tətbiq oluna bilər. İşıqlandırma üçün lazerdən istifadə etmək orta hesabla 15-20 dəqiqə çəkir.

Prosedurdan əvvəl lokal anestezik krem tətbiq etmək ağrıları aradan qaldıra bilər. Ümumi anesteziya tələb olunmur. Prosedur zamanı buraxılan lazer sayəsində dərinin dermisində qəhvəyi rəngə səbəb olan melanin istehsal edən "melanosit" hüceyrələri məhv edilir və cinsiyyət orqanlarının ağardılması gətirib çıxarır. Lazer işıqlandırması üçün adətən bir müalicə kursu kifayətdir. Bəzi hallarda birdən çox müraciət tələb oluna bilər. Prosedur ağrısızdır. Prosedurdan sonra insan gündəlik həyatına qayıda bilər.