Gəncliyi qorumağa kömək edəcək meyvə açıqlandı

Mütəxəssislər gəncliyi qorumağa kömək edən meyvəni açıqlayıblar.

Lent.az xarici mediaya istinadən xəbər verir ki, bütün tərəvəz və meyvələr sağlamlıq üçün böyük faydalar təmin edir. Buna görə də gündəlik olaraq onları pəhrizinizə daxil etmək vacibdir.

Ancaq burada xüsusilə avokadonu misal çəkmək lazımdır.

Gündəlik pəhrizinizə avokado əlavə etmək ürək-damar sağlamlığını dəstəkləməyə kömək edir. Bu meyvə ürəyi qorumağa kömək edən mono doymamış yağlarla zəngindir.

Beyin fəaliyyətini dəstəkləyir. Avokado zehni fəaliyyətə müsbət təsir göstərir, hətta yetkin yaşda da beyin fəaliyyətini qorumağa kömək edir. Zehni funksiya ilə bağlı bir çox problemlərin damar xarakterli olduğunu nəzərə alsaq, bu xüsusilə vacibdir.

Avokado görmə funksiyası üçün çox vacib olan piqment lutein sayəsində göz sağlamlığını qorumağa kömək edir. 2017-ci ildə aparılan bir araşdırma, 6 ay ərzində diyetinə avokado daxil edən yaşlı yetkinlərin lutein səviyyələrində 25% artım olduğunu göstərir.

Mütəxəssislər hər gün avokadonun üçdə birindən yarısına qədər yeməyi məsləhət görürlər. Pəhrizinizdə bəzi digər yağ mənbələrini avokado ilə əvəz etmək yaxşıdır. Bu sizə 106 kalori və 9,7 qram yağ verir. Bu da böyük sağlamlıq faydaları təmin edir.