Mikser istifadə etmədən, yumurta, süd və kərə yağı olmadan hazırlanan sadə və büdcəyə uyğun şokoladlı biskvit bişirin. Bu biskvit içəridən nəmli, yumşaq və zəngin şokolad dadına malik olur. İstəyə görə onu üç laylı şəkildə kəsib istənilən krem, mürəbbə ilə sürtə və üzərini şokolad qlazuru ilə bəzəyə bilərsiniz.
Lent.az bu resepti təqdim edir:
İnqrediyentlər
buğda unu - 200 qram
şəkər - 170 qram
kakao tozu - 40 qram
qida sodası - 1 çay qaşığı
duz - bir çimdik
vanilli şəkər - 10 qram
su - 220 millilitr
bitki yağı - 70 mililitrl
sirkə - 1 çay qaşığı
Hazırlanma qaydası
Quru qarışım üçün bir qabda unu, şəkəri, kakao tozunu, qida sodasını, duzu və vanilli şəkəri birləşdirin və yaxşıca qarışdırın. Ayrı bir qabda suyu, yağı və sirkəni qarışdırın, üzərinə quru qarışımı əlavə edib yenidən qarışdırın.
Qarışımı 10 dəqiqə dincəlməyə qoyun. Bişirmə formasının dibini perqament kağızı ilə örtün və xəmiri formaya tökün. Əvvəlcədən 180 dərəcəyə qədər qızdırılmış sobada 40-45 dəqiqə bişirin. Hazır olub-olmadığını taxta şişlə yoxlayın. Tam soyuduqdan sonra formadan çıxarın.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
