Duzlama zamanı xiyar və pomidora hansı göyərtini əlavə etmək lazımdır? - Nə şüyüd, nə də cəfəridir

Ənənəvi ev konservləşdirmə reseptlərinə adətən şüyüd, cəfəri, sarımsaq və istiot daxil edilir. Lakin təcrübəli evdar qadınlar dadı qat-qat yaxşılaşdıran gizli inqrediyentləri də bilirlər.

Lent.az bu resepti təqdim edir:

Söhbət gilas və xoruzgülü (xren) yarpaqlarından gedir. Məhz bu yarpaqlar xiyarları xırt-xırtlı, pomidorları isə xoş ədviyyəli ətirli edir. Bundan əlavə, bu göyərtilər antiseptik xüsusiyyətlərinə görə konservlərin saxlanma müddətini də uzadır.

Gilas yarpaqları - ətir və bakteriyalardan qorunma üçün
Gilas yarpağı təbii konservantdır. O, tərəvəzlərə yüngül meyvə ətri verir və bakteriyaların çoxalmasını dayandırır. Yarpaqda olan tanin maddələri sayəsində xiyar və pomidorlar aylarla saxlansa belə bərk qalır, yumşalmır.

İstifadə qaydası:

3 litrlik banka üçün 3–5 ədəd təzə və ya quru gilas yarpağı kifayətdir. Yarpaqları bankanın dibinə və ya tərəvəzlərin arasına yerləşdirin.

Xoruzgülü yarpaqları - xırt-xırtlılıq, acılıq və kifə qarşı
Bu, nənələrimizin də istifadə etdiyi ideal konservləşdirmə sirridir. Yarpaqlar tərəvəzlərə ədviyyəli dad verir, onların möhkəmliyini artırır və xiyarı xırt-xırtlı saxlayır. Yarpaqda olan efir yağları və fitonsidlər konservi kif və qıcqırmadan qoruyur.

İstifadə qaydası:

1 banka üçün 1 böyük xoruzgülü yarpağı kifayətdir. Yarpağı bir neçə hissəyə bölüb əlavə edin. Ən yaxşı üsul gilas yarpağı, xoruzgülü yarpağı və sarımsağın birlikdə istifadəsi. Bu ədviyyat tandemi uzunmüddətli saxlama, ideal dad və misilsiz ətir təmin edəcək.