Azərbaycanlı uşaq yazıçısının adı beynəlxalq mükafata təqdim olunub. F. Köçərli adına Respublika Kitabxanası üzvü olduğu Beynəlxalq Uşaq Kitabları Şurasının 2014-cü il üzrə Hans Kristian Andersen mükafatına uşaq yazıçısı Sevinc Nuruqızının namizədliyini təqdim edib.
Sevinc Nuruqızının APA-ya verdiyi məlumata görə, onun adı artıq namizədlərin siyahısına daxil edilib. Müəllifin “Ağca və cuppulu”, “Aysu və ay” kitabları doqquz ünvanda olan münsiflər heyətinin üzvlərinə göndərilib. 2014-cü il üzrə Hans Kristian Andersen mükafatı uğrunda 34 ölkədən 29 müəllif və 31 illüstrator mübarizə aparacaq. Mükafatın münsiflər heyətinin seçimi 2014-cü il martında başa çatacaq. Qaliblərin adı martın 24-də Boloniya Uşaq Kitabı sərgisində Beynəlxalq Uşaq Kitabları Şurasının mətbuat konfransında elan olunacaq.
Qeyd edək ki, 1956-cı ildə Beynəlxalq Uşaq Kitabları Şurası tərəfindən təsis olunan mükafat iki ildən bir təqdim olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
