Tədqiqatçı-alim Nəsiman Yaqublunun Azərbaycanın görkəmli dövlət xadimi M.Ə.Rəsulzadə haqqında ingilis dilində kitabı nəşr edilib. Lent.az-ın məlumatına görə, kitabda M.Ə.Rəsulzadənin həyat və fəaliyyətinin əsas məqamlarının ümumi xronologiyası ilə yanaşı çoxlu sayda fotolar və sənədlər də oxuculara təqdim edilib.
Müəllifin verdiyi məlumata görə kitabın ingilis dilində nəşr edilməsinin başlıca səbəbi Rəsulzadəni dünya ictimaiyyətinə daha geniş tanıtmaq, məlumat və bilgilər verməkdir. İngilis dilində nəşr edilmiş bu kitabın elektron versiyalarının müxtəlif ölkələrin arxivlərinin və kitabxanalarının kataloqlarına istifadə üçün salınacağı da nəzərdə tutulub.
Qeyd edək ki, kitab millət vəkili E. Süleymanovun prezidenti olduğu Azərbaycanda Vətəndaş Cəmiyyətinin İnkişafına Yardım Assosasiyasının (AVCİYA) layihəsi əsasında reallaşıb. Kitabın redaktoru V.Əlibəyovdur. İngilis dilinə T. Bağırlı tərcümə edib və ingiliscə redaktoru isə E.Mehdiyevdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
