Azərbaycanın UNESCO-ya üzv qəbul olmasının 20 illiyi münasibəti ilə Parisdə mərasim keçirilib. Mədəniyyət və Turizm Nazirliyindən Lent.az-a verilən məlumata görə, mərasimdə UNESCO-nun və İSESCO-nun xoşməramlı səfiri Mehriban Əliyeva iştirak edib.
Azərbaycan hökuməti ilə UNESCO arasında təhsil, elm, mədəniyyət və kommunikasiya sahələrində əməkdaşlıq üzrə Çərçivə Sazişi imzalanıb. Sazişi Azərbaycan tərəfdən mədəniyyət və turizm naziri Əbülfəs Qarayev, UNESCO tərəfdən isə baş direktor İrina Bokova imzalayıblar.
Daha sonra Azərbaycanın təşkilata üzv olmasının 20 illiyi münasibətilə ölkəmiz adından UNESCO-ya hədiyyə edilən daş at və qoç abidələrinin təqdimat mərasimi olub. İ. Bokova UNESCO ilə Azərbaycan arasındakı səmərəli əməkdaşlığa görə dövlət başçısına minnətdarlığını bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
