Aprelin 18-də xalq artisti, görkəmli teatr və kino aktyoru Ağahüseyn Cavadovun 120 illik yubileyi keçiriləcək. Mədəniyyət və Turizm Nazirliyindən Lent.az-a verilən məlumata görə, Dövlət Film Fondunda təşkil olunacaq tədbir adıçəkilən nazirliyinin, Azərbaycan Respublikası Kinematoqrafçılar İttifaqının və Dövlət Film Fondunun birgə təşkilatçılığı ilə reallaşacaq.
Tədbirdə görkəmli sənətkara həsr edilmiş fotosərgi nümayiş etdiriləcək, onunla bağlı xatirələr dinlənəcək.
Qeyd edək ki, Ağahüseyn Xəlil oğlu Cavadov 1894-cü il aprelin 22-də Xırdalan qəsəbəsində doğulub. Əvvəl mollaxanada təhsil alan Ağahüseyn 1919-cu ildə "Səadət" məktəbini bitirib.
1920-ci ilin iyunundan müəyyən fasilələrlə Milli Dram Teatrında işləyib. Ağahüseyn Cavadov “Bəxtiyar”, “Qızmar günəş altında”, “Əhməd haradadır?”, “O olmasın, bu olsun”, “Bir qalanın sirri”, “Sehrli xalat”, “Görüş”, “Şərikli çörək” və digər filmlərə çəkilib. Aktyor 1931-ci ildə respublikanın əməkdar artisti, 4 dekabr 1938-ci ildə isə xalq artisti fəxri adlarına layiq görülüb. Ağahüseyn Cavadov 1981-ci il iyulun 20-də Bakıda vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
