“Şah İsmayıl Xətai- Sultan Səlim” simpoziumu

Aprelin 6-sında “Şah İsmayıl Xətai- Sultan Səlim” simpoziumu konsert proqramı ilə yekunlaşıb.

Lent.az-a müsahibə verən millət vəkili Sabir Rüstəmxanlı simpoziumun uğurla tamamlandığını deyib: “Simpoziumdan alınana nəticə budur ki, “Çaldıran” savaşı bir tarixdir və bu savaş xalqalar arasında düşmənçiliyi deyil, siyasi məqsədlər, hakimiyyət uğrunda sülalələrin savaşı olub. Və savaş artıq çoxdan bitib. Bu savaşı qabartmaq iki qardaş dövlət arasında dostluq münasibətləri pozmaq olmaz”.

Sənətçi Əhməd Şəfak də öz növbəsində bu simpoziumun faydalarından danışıb: “Aprelin 5-də keçirilən simpoziumda 35 yaxın aydınımız danışdı. Sonda belə bir nəticəyə gəlindi ki, Oğuzun iki övladı Sultan Səlim və Şah Xətai öz aralarında xanədanlıq mübarizəsi aparıb. Bugünkü gündə də bunun heç bir anlamı qalmayıb. Türkiyə- Azərbaycan artıq bir arada olmaya, beynəlxalq səviyyədə bir-birinə yardım edən və sevən iki ölkədir. Çünki dünya güclər Qafqazlar və Orta Doğuya basqı yapırlar. Bu bölgələrdə də öndə gedən iki ölkə var- Türkiyə və Azərbaycan”.

Konsert proqramında türkiyəli sənətçilər Əhməd Şəfəq, Nilufər Sarıtaş, Mustafa Aksoy və Azərbaycanın “Savalan” qrupu çıxış edib.

Konsertin sonuna yaxın “Azərbaycan Milli İstiqlal” Partiyasının lideri Etibar Məmmədova fəxri plaket təqdim olunub.