Sizi yaşamağa həvəsləndirəcək 5 film -VİDEO

Bəzən bizə aksion və ya gözlənilməz sonluqlar lazım olmur, sadəcə ürəyimizi isidən, baxdıqdan sonra insanın içində istilik yaradan həqiqətən yaxşı hekayələr görmək istəyirik. Bunun üçün elə filmlər çəkilib ki, onları izlədikdən sonra irəli getmək, yaşamağa davam etmək və hər şeyin hələ bitmədiyinə inanmaq istəyirsən.

Lent.az sizə ürəyi isidən, ilham verən süjetlərə sahib 10 filmi təqdim edir:

"Möcüzə" ("Wonder")

Bu film sanki isti qucaqlaşmanı xatırladır. Üzündə nadir xəstəlik olan kiçik bir oğlan ilk dəfə məktəbə gedir və orada "başqa cür" olduğunu hiss edəcəyi vəziyyətlərlə qarşılaşır. Amma bu hekayə mərhəmət haqqında deyil – sevgi və dəstək haqqındadır. Həm də dünya hələ də bizi xoş şəkildə təəccübləndirə bilər.

"Yaşıl kitab" ("Green Book")

Bu film haqlı olaraq artıq kult hesab olunur. İki tamamilə fərqli insanın birlikdə çıxdığı adi bir səfər, böyük bir dostluq, yumor və qarşılıqlı anlayış hekayəsinə çevrilir. Burada nə süni dram var, nə də zorla ağlatmağa çalışırlar – əvəzində yaddaşda qalacaq dadlı və təsirli bir süjet var.

"12 il qulluqda" ("12 Years a Slave")

Bu film ağır və qeyri-adi olsa da, insanda yalnız yaxşı təəssüratlar buraxır. Hər şeyini itirən baş qəhrəman, qəlbində bir damla istilik saxlamağın və hər şeyin dəyişəcəyinə inanmağın nə qədər vacib olduğunu göstərir. Və məhz bu daxili sarsılmazlıq filmin sonunu kədərli yox, ilhamverici edir.

"Qadının ətri" ("Scent of a Woman")

Bu əfsanəvi film həyatla bağlı düşüncələrinizi dəyişdirəcək. Hekayənin mərkəzində həyatının mənasını itirmiş bir insan və öz gələcəyini itirmək istəməyən bir gənc dayanır. Onların qarşılaşması təsadüfi idi, amma birlikdə yenidən dünyanı görməyi öyrəndilər. Film ağrı, məyusluq, yumor və çox isti bir sonluqla doludur.

"Təcrübəçi" ("The Intern")

Əhvalınız pisdirsə, baxmalı olduğunuz yüngül və pozitiv film. Hər şeydən imtina etmək istədiyiniz bir anda bu film sizə göstərəcək ki, həyatınızı dəyişmək üçün heç vaxt gec deyil. Əyləncəli səhnələr isə sizi gülümsəməyə vadar edəcək.

Həyata inamı geri qaytaran digər filmlər:

"Küləyə qalib gələn oğlan" ("The Boy Who Harnessed the Wind")