Detektiv janrı heç vaxt populyarlığını itirmir, buna görə də hazırda insanı maraqlandıran, heyrətləndirən və hətta əsəbləri ciddi şəkildə gərginləşdirə bilən çoxlu cəlbedici hekayələr tapmaq mümkündür. Əgər siz sirrləri və Aqata Kristinin romanlarını sevirsinizsə, bu seçimdə zövqünüzə uyğun bir serial mütləq tapacaqsınız.
Lent.az sizi həyəcanlandıracaq detektiv filmləri təqdim edir.
All Her Fault
Baş qəhrəman Marissa adlı bir qadındır. Günlərin birində o, oğlunu yeni dostunun evindən götürməyə gəlir, lakin qapını tanımadığı bir qadın açır və nə uşağı, nə də onun anasını heç vaxt görmədiyini iddia edir. Ana anlayır ki, övladı qaçırılıb və başladılan araşdırma Marissanın ətrafında olan hər kəsin müəyyən sirrlər gizlətdiyini üzə çıxarır.
Down Cemetery Road
Süjetin mərkəzində Oksfordda baş verən bir sıra müəmmalı qətllər dayanır. Hər şey dəhşətli partlayışdan və bir uşağın sirli şəkildə yoxa çıxmasından sonra başlayır.
Hadisələrin şahidi qonşuluqda yaşayan bir qadın olur. O, polis tərəfindən aparılan rəsmi istintaqa şübhə ilə yanaşdığı üçün kömək almaq məqsədilə özəl detektiv agentliyinə müraciət edir.
Department Q
Bu kriminal serial uzun illərdir unudulmuş işlərlə məşğul olan polis bölməsindən bəhs edir. Şöbənin baş detektivi Karl Merk qeyri-adi komandası ilə birlikdə artıq dörd ildir ki, itkin düşmüş bir qadını tapmağa çalışır.
Untamed
Serialın baş qəhrəmanı xarizmatik, lakin bədbəxt federal agent Kayl Ternerdir. O, özü də bir sirr gizlədir. Hadisələr əsasən Yosemite milli parkının geniş və vəhşi ərazilərində cərəyan edir və Kayl demək olar ki, meşənin içində yaşayır. Bir gün ona gənc bir qadının qayadan yıxılaraq ölməsi ilə bağlı müəmmalı hadisəni araşdırmaq tapşırılır.
Slow Horses
Britaniya istehsalı olan bu casus trilleri səhvlər və uğursuz əməliyyatlar səbəbindən MI5-in xüsusi “kənarlaşdırılmışlar” şöbəsinə göndərilmiş kəşfiyyat agentlərindən bəhs edir. Onlara kobud, kinayəli, lakin son dərəcə peşəkar agent Cekson Lemb rəhbərlik edir.
Uğursuz hesab olunmalarına baxmayaraq, bu agentlər tez-tez təhlükəli sui-qəsdlərin mərkəzində qalaraq əsl peşəkar olduqlarını sübut edirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
