"İndiana Cons 5” çəkildi - Stiven Spilperq heyrətləndi

Hollivudun ən məşhur rejissorlarından olan Stiven Spilberq yeni çəkilmiş “İndiana Cons-Tale çarxı” filminə baxdıqdan sonra yeni komandanın əl işinə heyran qaldığını bildirib.

Lent.az-ın xəbərinə görə, rejissor filmin qapalı baxışı baş çatdıqdan sonra ayağa qalxaraq deyib: “Lənət şeytana, elə bilirdim bu filmi məndən başqa heç kim çəkə bilməz”.

Xatırladaq ki, Stiven Spilberq “İndiana Cons” silsiləsindən ilk 4 filmin müəllifidir. Bu filmlər dünya prokatında böyük uğur qazanıb.

Beçinci filmdə də baş rolu Hollivud ulduzu Harrison Ford oynayır.

Beşinci film “Disney” şirkəti tərəfindən, cəkilib, filmə Ceyms Menqold rejissorluq edib.

76-cı “Kann” Beynəlxalq Film Festivalı çərçivəsində “İndiana Cons - Tale çarxı” filminin dünya premyerası olacaq.

Ekran əsərinin ilk təqdimatı mayın 18-də Kann şəhərində gerçəkləşəcək. Film daha sonra iyunun 28-də Fransa kinoteatrlarında, iyunun 30-da isə ABŞ-də nümayiş olunacaq.

Ekran əsərinin süjet xətti barəsində hələ heç bir açıqlama verilməyib.
76-cı Kann Film Festivalı mayın 16-dan başlayacaq və 27-dək davam edəcək.