İllərlə ac qalan məşhur ULDUZ – milyonçu ilə nişanlandı və...

Bu gün bütün qadınlar 90-60-90 ölçülərini gözəllik standartı hesab edir. Bilirsinizmi ki, bu “bəlanı” başımıza məşhur britaniyalı aktrisa Odri Hepbörn açıb? Həm də istəyərək yox.

Lent.az "Bir ulduz axdı" layihəsi çərçivəsində bu dəfə Odri Hepbörn barədə söz açacaq.

Məşhur aktrisa uzun illər aclıqdan əziyyət çəkib, II Dünya Müharibəsi dövrünə düşmüş yeniyetməlik və gənclik illərində o qədər aclıq çəkib ki, bədəni bu travmanı sonralar da qaldıra bilməyib. O, ömrününü sonuna qədər anemiyadan, anereksiyadan əziyyət çəkib.

Lakin ekranlardakı zərif görüntüsü moda dünyasını geri dönüşü olmayan dəli bir cərəyanın içinə atdı, hər kəs Odri kimi olmaq üçün özünə zərər verməyə başladı.İllər keçsə də zərafət yarışı dayanmadı. Kim idi Odri?

Odri Ketlin Raston 1929-cu ilin mayında Brüsseldə dünyaya gəlib. Atası bankir, anası britaniyalı baronessa idi. Aristokrat əsl-nəcabətinə baxmayaraq, uşaqlığı və ilk gəncliyi əziyyətlə keçib. Yaşadığı şəhər faşistlərin işğalına məruz qaldıqdan sonra Odri ölüm qorxusu ilə soyadını dəyişərək, almanlara bənzəyən Hepbörn adını alır. Anası ailəni yaşada bilmək üçün hər bir ağır işi görür, amma yenə yarıac yaşayırdılar. Gənc qız müzikllərdə səhnəyə çıxmağa başlayır, elə orda da ilk dəfə kinoya təklif alır. Zərif, ceyran balasını xatırladan bu gözəlin ilk ekran işi uğurla alınır və dünya kino ulduzlarının sırasına düşməyi bacarır. Onun ifasında aristokrat qızlar sadə. səmimi, saf və gözəl görünürdülər, komik rolları da böyük ustalıqla ifa edirdi. Rejissorlar Odrinin baxışlarındakı gözəl təəccüb ifadəsini alma bilmək üçün çəkiliş zamanı onu tez- tez qorxudur, gözlərindəki ifadəni lentə alırdılar.

Odrini bütün dünyaya tanıdan “Roma tətilləri” filmi oldu. Bu filmdə məşhur Elizabet Teylorun yerinə onu çəkdilər. Elizabet əvvəl bunun üçün qalmaqal yaratsa da, sonralar Odrinin daha gözəl ifa etdiyini etiraf eləmişdi.

Bu filmdən sonra o 3 “Oskar”a layiq oldu, bir milyonçuyla nişanlandı. Lakin bu evlilik baş tutmadı. Həmin film ildırım sürətilə bütün dünyada yayıldı, Odrini həm Avropada, həm Hollivudda çəkməyə başladılar. Lakin birdən-birə o çəkilişlərdən uzaqlaşdı, 1967-ci ildə uzun bir fasiləyə ayrıldı, özünü ərinə, uşaqlarına həsr etdi.

Şəxsi həyatı

Odrinin şəxsi həyatı yalnız 50 yaşdan sonra istədiyi kimi alındı. Buna qədər o anasının israrları ilə zərəli vərdişlərə aludə olur (Anası ömrü boyu Odrinin bütün həyatını nəzarətdə saxlayırdı, “gözəl ledinin çəkisi 46 kilodan çox olmamalıdır” deyirdi. Buna görə Odri tütündən və alkoqoldan asılı qalmışdı, çox az yemək yeyirdi), evil kişilərlə eşq macəraları yaşayırdı. İlk evliliyi aktyorla olmuşdu və uğursuz nəticələnmişdi.

İkinci dəfə uğursuz bir aktyorla ailə qurandan sonra ərinin psixoloji təzyiqləri qadını dəli olmaq səviyyəsinə çatdırmışdı. O özü şöhrətlənmək üçün media qarşısına çıxan Odrinin əlinə yazılı mətnlər verir, yalnız özü barədə danışmasını tələb edirdi. Psixologiyası tamamən pozulmuş Odri ikinci ərindən də ayrılıb, öz psxoloqu ilə sevgi macərası yaşayır. Yalnız 50 yaşdan sonra əsl sevgisini tapır və ömrünün sonuna qədər üçüncü əri Robert Uolderslə birlikdə olur.

Odrinin ikinci evliliyindən Şon adlı bir oğlu doğulmuşdu.

Aktrisa 1976-cı ildə yaşlı qadın obrazlarıyla ekranlarda yenidən göründü. Odri daha sənətdən çox xeyriyyəçiliklə məşğul olmağa üstünlük verirdi. O UNİSEF-in xüsusi səfiri təyin edildi və bu vəzifəsiylə bütün dünyanı gəzməyə başladı. Niderland, ispan, italyan,ingilis, fransız və alman dillərini yaxşı bildiyinə görə, insanlarla asan dil tapırdı və həyatının sonuna kimi özünü səfil həyat keçirən uşaqların müdafiəsinə həsr etdi.

O dünyanın 20 ölkəsini gəzərək uşaqların taleyi ilə maraqlanır, kömək edirdi. Uzunmüddətli səfərlər bu zərif qadının sağlamlığına güclü zərər vermişdi. 1992-ci ildə Odri UNİSEF-əki fəaliyyətinə görə ABŞ prezidentinin “Azadlıq” medalına layiq görüldü. Keniya və Somali onun son səfəri oldu. Bu səfərlərə çıxarkən onun yoğun bağırsaqlarında xərçəng öz işini görmüşdü. Əməliyyat olunsa da effekt əldə edilmədi və Odri son günlərini ailəsi ilə keçirmək üçün İsveçrədəki evinə getdi. Ömrünün son yeni ilini, 1993-cü ili ailəsi ilə birlikdə qarşılayıb, 63 yaşında həyata vida etdi.