Xalq artisti Afaq Bəşirqızı mərhum bəstəkar Tahir Əkbər barədə maraqlı açıqlama verib.
Lent.az-ın xəbərinə görə, müğənni Xatunun sosial şəbəkə hesabındakı canlı bağlantısında Afaq xanım müasir dövrümüzdə keyfiyyətsiz mahnılara görə müğənnilərin işinin çətin olduğunu deyərək əlavə edib:
“Ölən bəstəkarlarımızın hamısı üçün çox üzülmüşəm, təəssüflənmişəm. Oqtay Kazımi, Emin Sabitoğlu və başqaları.
Amma məni Tahir Əkbər qədər yandıran olmadı. Allah mənə imkan yaratsın, o kişi üçün nə isə eləyim. Ona hətta normal məzarlıq da çox görüldü. Ailəsinin ürəyincə olmayan yerdə basdırdılar. Abırlı insan başqa şeydir. O müğənnilərə mahnı yazıb verirmiş, amma gətirib pulunu vermirlərmiş. Allah ona qəni-qəni rəhmət eləsin".
Qeyd edək ki, Əməkdar incəsənət xadimi, bəstəkar tahir Əkbər 2018-ci ildə 72 yaşında vəfat edib. "Qurd qapısı" məzarlığında dəfn olunub. Ailəsi onun məzar yeri ilə bağlı narazılıq etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
